Skákhátíðin í Bolungarvík

Búið er að opna fyrir skráningu í Hraðskákmót Íslands og Opna Bolungarvíkurmótið.

Skráningin fer fram  í gegnum skráningarform sem er aðgengilegt á heimasíðu Taflfélags Bolungarvíkur http://taflfelagbolungarvikur.blog.is.

Einnig er hægt að hringja í Guðmund Daðason í síma 844 4481 eða senda póst á [e-mail].

Skákmenn þurfa sjálfir að sjá um bókun á flugi og er best að gera það í gegnum Ásdísi hjá skáksambandinu til að fá ÍSÍ fargjaldið eða taka skýrt fram við Flugfélagið að þetta sé á vegum SÍ.  ÍSÍ fargjaldið kostar u.þ.b. 14.500,-

Helstu flugtímar:

Reykjavík-Ísafjörður

Mið 9.sept  kl 17:00-17:40

Fös 11. sept kl 17:00-17:40

Lau 12.sept kl 9:00-9:40

 

Ísafjörður-Reykjavík

Lau 12.sept kl 18:05-18:45

Sun 13.sept kl 13:20-14:00

Sun 13.sept kl 18:05-18:45

 

Einnig er bent á landleiðina en nú er nýbúið að stytta leiðina enn frekar með opnun nýrrar brúar yfir Mjóafjörð í Ísafjarðardjúpi.  Stysta leiðin frá Reykjavík er í gegnum Búðardal, yfir Gilsfjarðarbrúna, upp Þorskafjarðarheiði og þaðan niður í Ísafjarðardjúp. Öll leiðin er malbikuð ef frá er talin spottinn yfir Þorskafjarðaheiði.  Þetta tekur aðeins um 5,5 tíma að keyra og er langhagstæðasta leiðin ef enn geta sameinast nokkrir í bíl.

Keppendum stendur til boða að kaupa hádegismat fim-, fös- og laugardag á kr. 1.000,- hver máltíð. Skrá þarf sig fyrirfram í matinn og greiða inná 1176-26-595 kt. 581007-2560. 

Gistingu er hægt að panta hjá Arndísi Hjartardóttur í síma 863-3879.  Verð per nótt er kr. 4.000,- (uppábúin rúm). Taflfélagið mun aðstoða Arndísi við að koma mönnum fyrir og ef það verður mjög fjölmennt mega menn eiga von á að það þurfi að henda dýnum á eitt og eitt gólf. Öllum mun verða redduð gisting!

Skráning á golfmótið fer fram á www.golf.is undir Mótaskrá->Golfklúbbur Bolungarvíkur->Sparisjóðsmótið.

Taflfélagið hefur fengið styrk úr Landsbyggðarsjóði SÍ vegna skákhátíðarinnar. Ákveðið hefur verið að nýta það fjármagn til að styrkja skákmenn til að taka þátt í Opna Bolungarvíkurmótinu. Hver þátttakandi í Opna mótinu utan stór-Bolungarvíkursvæðisins mun því fá styrk upp á kr. 3.500,-  Keppendur sem hafa ekki kost á að fljúga beint vestur eða þurfa að keyra mjög langa leið (t.d. Vestamannaeyingar og Austfirðingar) munu fá tvöfaldan styrk eða kr. 7.000,-

Styrkurinn verður greiddur út eftirá.

Það verður heilmikið um að vera þessa daga. Úrslit munu ráðast í Landsliðsflokki og nýr Íslandsmeistari krýndur. Hellir og Bolungarvík munu mætast í úrslitum Hraðskákkeppni taflfélaga á föstudagskvöldinu. Svo munu auðvitað Opna mótið og Hraðskákmót Íslands verða létt og skemmtileg mót. Golfarar fá svo frábært tækifæri til að enda sumarvertíðina á sunnudeginum.  Á laugardagskvöldinu verður hátíðarkvöldverður í boði Taflfélagsins.

Opna Bolungarvíkurmótið - verðlaun og dagskrá

- Ef a.m.k. 10 keppendur verða með yfir 2000 stig mun efsta sætið á mótinu gefa þátttökurétt í   Landsliðsflokki að ári.

- Verðlaunapeningar fyrir 3 efstu sætin auk verðlaunagrips til sigurvegarans.

- Bolungavíkurmeistarinn fær eigna- og farandbikar.

- Aukaverðlaun fá efstu menn af stigulausum, undir 1800 stigum og undir 2000 stigum.

- Verðlaunapeningar fyrir 3 efstu sætin 18 ára og yngri.

Í fyrstu 3 umferðum er umhugsunartími 25 mín á mann.  Í síðustu fjórum umferðunum fá keppendur 1,5 klst á skákina + 30 sek eftir hvern leik.

Mótið verður reiknað til alþjóðlegra stiga.  Skákstjóri verður Gunnar Björnsson.

 

Teflt verður í Hvíta húsinu (safnaðarheimilinu) og hefjast umferðirnar sem hér segir:

1.-3. umferð miðvikudag 9. sept kl. 20-23.

4. umferð fimmtudag 10. sept kl. 10-15

5. umferð fimmtudag 10. sept kl. 17-22

6. umferð fimmtudag 11. sept kl. 9-14

7. umferð fimmtudag 11. sept kl. 15-20

 

Hraðskákmót Íslands - verðlaun og dagskrá

- Verðlaunapeningar fyrir 3 efstu sætin auk verðlaunagrips til sigurvegarans.  Eftirfarandi peningaverðlaun eru í boði:

            1. sæti kr. 20.000

            2. sæti kr. 10.000

            3. sæti kr.   5.000

- Bolungavíkurmeistarinn fær eigna- og farandbikar.

- Aukaverðlaun fá efstu menn af stigulausum, undir 1800 stigum, undir 2000 stigum og undir 2200 stigum.

- Verðlaunapeningar fyrir 3 efstu sætin 16 ára og yngri.

- Aukaverðlaun til efsta stjórnmálamannsins.  Skilyrði er að hafa setið í bæjarstjórn eða á Alþingi.

Umhugsunartími er 5mín á keppenda. Umferðafjöldi ræðst af fjölda þátttakanda en verða að hámarki 15 umferðir. Skákstjóri verður Gunnar Björnsson.

Teflt verður í Íþróttahúsinu og hefst mótið kl. 13.  Áætluð lok eru um kl. 16.

Að móti loknu verður verðlaunaafhending fyrir öll mót skákhátíðarinnar.

Heimasíða TB