Vetrarstarf TV að hefjast

Vetrarstarf Taflfélags Vestmannaeyja hefst í þessari viku með kennslu í öllum flokkum og hinu árlega Vinnslustöðvarmóti næstu helgi, en þegar hafa 14 keppendur skráð sig í mótið og enn stendur skráning yfir.

Stundatafla TV gildir frá deginum í dag, á þriðjudögum eru stúlknatímar, á miðvikudögum fyrir stráka fædda 2000 og 2001, á fimmtudögum fyrir stráka fædda 2002 og 2003 og á mánudögum fyrir stráka fædda 1998 og 1999.  Á hverjum sunnudegi eru sunnudagsmót fyrir yngri hópana og á fimmtudagskvöldum eru mót eða fyrirlestrar fyrir fullorðna.

Undirbúningur fyrir Norðurlandamót barnaskólasveita er komin á fullan skrið en mótið verður helgina 18-20 september í Eyjum og er von á u.þ.b. 50 gestum til Eyja af því tilefni frá öllum Norðurlöndunum.

Aðalfundur Talfélags Vestmannaeyja verður fimmtudaginn 15. október og hefst kl. 19.30.

Á dagskrá eru  hefðbundin aðalfundarstörf.

 

Starfsemi Taflfélagins fer öll fram í húsnæði félagsins „Skáksetrinu" að Heiðarvegi 9, gengið inn að vestan.

Athugasemdir

[Ingibjörg Birna Óafsdóttir (IP-tala skráð) 1.9.2009 kl. 16:14]

Góðan daginn

Ég á lítinn 5 ára dreng sem er fæddur í febrúar 2004 sem sýnir skák mikinn áhuga og er farinn að tefla töluvert og er efnilegur.l

Við foreldrarnir vildum gjarnan efla þennan áhuga. Er möguleiki að koma með hann til ykkar ?

 Kveðja

Ingibjörg Birna

[Skák.is, 1.9.2009 kl. 21:30]

Sæl Ingibjörg.

Hringdu í mig í síma 820 6533 eða sendu mér póst í [e-mail] og ég skal reyna að hjálpa þér með næstu skref.

Kveðja,
Gunnar