Akureyringar lögðu Garðbæinga

Skákfélag Akureyrar vann öruggan sigur, 58-14, í 2. umferð Hraðskákkeppni taflfélaga í viðureign félaganna sem fram fór í Garðabæ í gær.  Staðan í hálfleik var 32-4.  Halldór Brynjar Halldórsson var bestur gestanna en hann fékk fullt hús.  Formaður TG, Páll Sigurðsson, fór fyrir sínum mönnum og fékk flesta vinninga heimamanna eða 4 samtals.  

Frásögn af heimasíðu TG:

TG ingar voru full gestrisnir við gesti sína í kvöld í viðureign sinni við Skákfélag Akureyrar.

Í fyrsta lagi vantaði allt A lið TG til leiks en þess utan unnu Akureyringar fyrstu 4 umferðirnar 6-0 og það var ekki fyrr en í 5 umferð að fyrstu vinningar TG litu dagsins ljós. Það var jafntefli Baldurs Möllers gegn Sigurjóni Sigurbjörns og sigur Páls gegn Stefáni Bergs ásamt sigri Þorláks gegn Þór Valtýs sem breyttu heldur niðurstöðunni. Eftir það fengu TG menn amk hálfan vinning í hverri umferð.

Staðan í hálfleik var þó allt annað en góð fyrir okkar menn. 4-32 fyrir gestina.

Seinni hálfleikur var heldur jafnari og óskandi hefði verið að 12 umferðin hefði alltaf verið tefld því það var eina umferðin sem lenti TG megin en við unnum hana 4-2. reyndar voru SA þá manni færri en Áskell gaf þá viðureign.


Seinni hálfleikur endaði 10-26 fyrir gestina og samtals unnu þeir 58 vinninga gegn 14 vinningum okkar manna.

Skákfélag Akureyrar er þá komið í undanúrslit keppninnar.

Árangur einstakra skákmanna.

Lið TG.
Páll Sigurðsson 4 vinninga af 12
Baldur Möller 3,5 vinninga
Björn Jónsson 2,5 vinninga
Þorlákur Magnússon 2 vinninga
Svanberg Pálsson 1 vinning,
Sigurjón Haraldsson 1 vinning.


Lið Skákfélags Akureyrar
Halldór Brynjar Halldórsson 12 vinningar af 12.
Jón Þ Þór 11 vinningar
Áskell Örn Kárason 10 vinningar
Stefán Bergsson 10 vinningar
Sigurjón Sigurbjörnsson 8 vinningar
Þór Már Valtýsson 7 vinningar.

Heimasíða Hellis