Fjölninsmenn lögðu Skagamenn

Skákdeild Fjölnis vann fremur öruggan sigur á Skagamönnum í fyrstu umferð Hraðskákkeppni taflfélaga sem fram fór í Rimaskóla í gær.  Viðureign þessara félaga var lengst af jöfn og spennandi. Akurnesingar náðu góðum úrslitum í 1. umferð og leiddu keppnina framan af.

Fjölnisliðið saxaði á hægt og bítandi og náði forustunni í 6. umferð, þeirri síðustu fyrir skákhlé. Þá var staðan 19 - 17 Fjölnismönnum í vil. Í síðari hálfleik skyldi enn frekar að með liðunum og Fjölnisliðið vann fjórar viðureignir af sex.

Í skáksveit Fjölnis voru unglingarnir að standa sig frábærlega með góðum styrk frá Guðna Stefáni og Erlingi Þorsteinssyni sem báðir fóru hamförum við skákborðið. Árangur Harðar Arons var ánægjulegur og drengurinn fullur sjálfstrausts strax frá fyrstu skák. Það hjálpaði Fjölnismönnum talsvert í þessari viðureign að þeir mættu með níu skákmenn til leiks og gátu skipt inn á meðan Akurnesingarnir tefldu á sama mannskap allar tólf umferðirnar. Hjá Skagamönnum var Pétur Atli beittastur og skilaði átta vinningum í hús. Viðureigninni lauk með öruggum sigri Fjölnismanna 41-31.

Fjölnir mætir meisturunum í Taflfélagi Reykjavíkur í átta liða úrslitum.  

Skákdeild Fjölnis: 

• Guðni Stefán                10,5   í   11 skákum
• Erlingur Þorsteinsson    9,5        11
• Hörður A. Hauksson       8          10
• Dagur A. Friðgeirsson    7           11
• Mikael Luis Gunnlaugss  2,5         8
• Vignir Bjarnason              2           7
• Sigríður B. Helgadóttir    1,5        4
• Auk þeirra tefldu Finnur Kr. Finnsson og Sveinbjörn Jónsson fyrir lið Fjölnis

 

 Taflfélag Akraness :

• Pétur Atli                        8    vinninga
• Magnús Magnússon       6
• Magnús Gíslason            5
• Árni Böðvarsson            5,5
• Unnar Þór Bachmann     4
• Hörður Garðarsson        2,5

Heimasíða Hellis

Athugasemdir

[Snorri Bergz, 13.8.2009 kl. 10:20]

Total snilld. Helgi Árna sendir inn grein, og ritstjóri þarf aðeins að skrifa titil. Þrjú orð, en samt tókst að lauma inn villu!

 Hverjir eru "Fjölninsmenn"?