Skákþing Norðlendinga hefst í kvöld

Skákþing Norðlendinga verður haldið í Íþróttahöllinni á Akureyri helgina 12.-14. júní nk. Tefldar verða 4 umferðir með atskákfyrirkomulagi á föstudagskvöldi. Tvær kappskákir á laugardegi og ein á sunnudegi. Að loknu skákmótinu verður haldið Hraðskákmót Norðlendinga.  19 keppendur eru skráðir til leiks og þeirra á meðal eru Áskell Örn Kárason, Sævar Bjarnason og Gylfi Þórhallsson.  

Dagskrá:

Tefldar verða sjö umferðir eftir Monrad-kerfi.

Mótið hefst kl. 20.00 á föstudagskvöld með 25 mínútna skákum í 1. - 4. umferð.

Tímamörk í 5. -7. umferð eru 90 mínútur + 30 sekúndur viðbótartíma á hvern leik.

 Laugardagur 13. júní.  5. umferð kl. 11.00.    6. umferð. kl. 17.00.

 Sunnudagur  14. júní.  7. umferð kl. 10.00 

Hraðskákmót Norðlendinga hefst kl. 15.00 á sunnudag, að því loknu er verðlaunaafhending og mótsslit.

Keppnisgjald kr. 2000.-         Veitt verða þrenn verðlaun fyrir þrjú efstu sætin, verðlaunagripir + farandbikar.

Skráning eigi síðar en á fimmtudag 11. júní  í netfangið [e-mail]    Uppfærður keppendalisti verður nánast daglega á heimasíðu félagsins skakfelag.muna.is  

Skákþing Norðlendinga hefur verið haldið árlega frá árinu 1935, og er mótið því í 75 skipti.  Eftirtaldir hafa unnið titilinn oftast. Gylfi Þórhallsson og Rúnar Sigurpálsson sjö sinnum, Jón Þorsteinsson, Jónas Halldórsson og Júlíus Bogason fimm sinnum.  Núverandi skákmeistari er Stefán Bergsson.

Ulker Gasanova hefur orðið oftast skákmeistari kvenna, fimm sinnum, Sveinfríður Halldórsdóttir og Þorbjörg Lilja Þórsdóttir 4. sinnum.  Arnfríður Friðriksdóttir og Anna Kristín Þórhallsdóttir þrisvar sinnum. Núverandi skákmeistari kvenna er Ulker Gasanova.

Rúnar Sigurpálsson hefur  langoftast orðið hraðskákmeistari Norðlendinga eða alls tólf sinnum. Áskell Örn Kárason hefur síðustu tvö ár unnið titilinn.

Skráðir keppendur:

• Áskell Örn Kárason                   SA   2225
• Sævar Bjarnason                      TV   2155
• Gylfi Þórhallsson                      SA   2140
• Þór Valtýsson                          SA   2065
• Stefán Bergsson                      SA   2045
• Einar K Einarsson                     TV   1995
• Sigurður Eiríksson                    SA   1860
• Tómas Veigar Sigurðarson              1815
• Sindri Guðjónsson                   TG   1740 
• Jón Arnljótsson                  Sauðar  1735
• Þorsteinn Leifsson                 TR   1690
• Mikael Jóhann Karlsson          SA   1680
• Haukur Jónsson                     SA  1505
• Jón Kristinn Þorgeirsson         SA   1475
• Ármann Olgeirsson           Goðinn  1420
• Hersteinn Heiðarsson             SA   1215
• Andri Freyr Björgvinsson         SA   1155 
• Hjörtur Snær Magnússon         SA       0
• Jón Magnússon                     SA       0