Haki sigraði á minningarmóti um Gunnlaug Guðmundsson

Haki Jóhannesson sigraði á Minningarmótinu um Gunnlaug Guðmundsson,sem var mjög jafn og spennandi, sem fór fram í dag. Haki varð efstur ásamt Mikael Jóhanni Karlssyni með 8,5 vinning af 15. Haki hafði svo betur eftir bráðabana 2-1.  Þrír keppendur fengu hálfum vinningi minna, en það voru þeir Sigurður Arnarson, Sigurður Eiríksson og Sveinbjörn Sigurðsson. Atli Benediktsson varð sjötti með 4 vinninga.

Keppendur voru sex og voru tefldar 15 umferðir, þrjár lotur. Eftir fyrstu lotu voru þeir nafnar í neðsta sæti og Sveinbjörn var efstur. Sveinbjörn var enn efstur eftir tvær lotur, vinnings forskot á Sigurð Eiríksson. Fyrir síðustu umferð voru Sveinbjörn og Sigurður E. jafnir og efstir, en töpuðu báðir í loka umferðinni, Sveinbjörn gegn Haka, og Sigurður gegn nafna sínum Sigurði Arnarsyni. Sigurður Arnarson vann auka keppni um þriðja sætið, fékk 2 vinninga, Sigurður E. fékk 1 vinning og Sveinbjörn fékk 0, en hann var nánast út allt mótið efstur, en tap í síðustu umferð féll hann úr fyrsta sæti niður í það fimmta og næstneðsta.

Keppt er um farandbikar gefin af fjölskyldu Gunnlaugs Guðmundssonar fyrrverandi formanns Skákfélags Akureyrar og var þetta mót haldið í fimmta sinn. Í dag er einmitt 68 ár frá fæðingu Gunnlaugs, (f. 10.5. 1941) en hann andaðist 2004. 

Sigurður Eiríksson sigraði á öðlingamóti, fyrir 45 ára og eldri, sem haldið var um helgina.  

Lokastaðan:

 

1.	Sigurður Eiríksson	5 af 7.
2.	Karl Steingrímsson	4,5
3.	Ari Friðfinnsson	4,5
4.	Atli Benediktsson	4
5.	Hreinn Hrafnsson	4
6.	Sveinbjörn Sigurðsson	3
7.	Haki Jóhannesson	3
8.	Jón Magnússon          0
Tefldar	voru 15. mínútna skákir.

Næsta mót hjá Skákfélagi Akureyrar er Coca Cola hraðskákmótið sem fer fram á fimmtudag 21. maí (Uppstigningardag) og hefst kl. 14.00.