Arnar Íslandsmeistari í atskák

Arnar E. Gunnarsson er Íslandsmeistari í atskák eftir sigur á Birni Þorfinnssyni í einvígi þeirra á millum sem fram fór í höfuðstöðvum Kaupþings í Borgartúni í gær. 

Í fyrri skákinn hafði Björn lengi vel frumkvæðið og fékk unnið tafl en Arnar varðist fimlega og hafði sigur eftir ljótan fingurbrjót Björns.

Í seinni skákinn reyndi Björn ýmislegt að flækja stöðuna en Arnar náði fram stöðu sem var nánast ómögulegt fyrir Björn að vinna og hafði að lokum sigur.

Skákirnar má finna á vef SÍ og skýringar við þær má finna á Skákhorninu