Hrókurinn með skákhátíð á 70 breiddargráðu, í hinum magnaða og einangraða bæ, Ittoqqortoormiit

Þeir Róbert Lagerman og Stefán Herbertsson hafa undanfarna daga verið í Scoresbysundi, eða Ittoqqortoormiit á austurströnd Grænlands og haldið gríðarlega velheppnaða skákhátíð í einmuna veðurblíðu, þó frostið sé reyndar um 20°c. Þetta er þriðja ferð Hróksins í þennan mjög svo einangraða bæ, þar sem 500 manns búa og ríflega 100 börn eru þar í skólanum.

Styttra er til Ísafjarðar en í næsta bæ sem er Kulusuk, en þangað eru um 800 km og engir eru vegirnir. Hrókurinn tvö er þar starfandi, eða skakklub Tårnet og áður hafa verið gefin um 80 skáksett þarna norður eftir.   Róbert tefldi fjöltefli við um 50 manns þar sem gleðin réð ríkjum og einnig hafa verið haldnar skákæfingar auk tveggja móta.

Þess má geta að hvítabjarnarmóðir með tvo húna reyndi ítrekað að komast inn í þorpið á meðan dvöl piltanna stóð og þó hún sé friðhelg með húnana sína, þá lét hún ekki segjast þrátt fyrir aðvörunarskot og alls kyns læti og var felld. Enda verra að hafa ísbjörn í bænum þegar börnin eru farin út að leika sér klukkan sjö á morgnana.   En skákveislan i ITTOQQORTOORMIIT náði hámarki i dag,

þegar hátt i 50 börn og fullorðnir settust að tafli í skólanum sem er þungamiðja bæjarins þessa vikuna og tóku þátt í opna skákmótinu í Ittoqqortoormiit. 

Róbert Lagerman skrifar á grænlandssíðu Hróksins,http://godurgranni.blog.is/blog/godurgranni/

"Þegar mótið hófst med fyrsta leiknum á efsta borðinu, var ljóst að allir i salnum voru komnir til að skemmta sér og njóta skáklistarinnar.

Þegar leið á mótið glumdu sigurópin um salinn þegar andstæðingurinn féll á tíma eða varð að játa sig mátaðan. Þótt hin fínni tilbrigði skáklistarinnar væru yngstu þátttakendunum ekki alveg ljós, var sigurviljinn ekkert minni þrátt fyrir það.

Eftir mikla barattu stod ESAJAS ARQE uppi sem sigurvegari med 5.5 vinninga.

Í 2-4 sæti urðu HANS-HENRIK ARQE, EMIL ARQE og AQQALU BROLUND med fimm vinninga, og i 5-6 sæti  urðu  LOUIS ARQE OG DAN ARQE med 4.5 vinninga   

Varaforseti Hróksins útdeildi veglegum gjöfum til allra keppenda, þannig að enginn fór tómhentur heim i dag.

Skákhátíðinni lýkur á morgun med skákkennslu Stefáns og Róberts og lokahnykkurinn verður blindskák Roberts og Esajas". 

Áður hafði farið fram barnaskákmót þar sem ekkert var gefið eftir hjá fjörutíu þátttakendum.

Að móti loknu tyllti hún SIKKERNINNGUAQ LORENTZEN sér á efsta þrep verðlaunapallsins, við gífurlegan fögnuð viðstaddra.

Að mótinu loknu tók við skáklottóið, þar runnu út tíu vinningar við mikið lófaklapp, þar sem allir áttu jafna möguleika.

Á meðan á mótinu stóð hringdi grænlenska útvarpið í Stefán sem veitti heilmikið viðtal um starf Hróksins á Grænlandi undanfarin ár.

Í efstu sætum a skákmótinu urðu:

1-4

SIKKERNINNGUAQ LORENTZEN

ESAJAS ARQE

MIKIKI ARQE og

LEO BRONLUND

5 vinningar

 

5-13

ASSER SANIMUINAQ

PAULINE ANIKE

EMIL ARQE

KEVIN DANIELSEN

RUTH MADSEN

PETER DANIELSEN

BELINDA ARQE

ANTUSA MADSEN

SIVERT SANIMUINAQ

4 vinningar

Nánari útlistanir á starfi þeirra Róberts og Stefáns má sjá á http://godurgranni.blog.is/blog/godurgranni/auk eldri greina frá skáktrúboði Hróksmanna, undir forystu Hrafns Jökulssonar, á Grænlandi sem nú hefur staðið yfir í sex ár og ferðirnar orðnar um tuttugu.