Jóhanna Björg og Birkir Karl kjördæmismeistarar Reykjaness

Jóhanna Björg Jóhannsdóttir sigraði í eldri flokki kjördæmismóts Reykjaneskjördæmis sem fram fór í dag. Birkir Karl Sigurðsson sigraði í yngri flokki en bæði eru þau úr Salaskóla í Kópavogi.

Úrslit í eldri flokki (2-föld umferð):

Place Name                            Loc  Club                       Score Berg.  
  1  Jóhannsdóttir, Jóhanna Björg    1730 Salaskóli                  5     11.00
  2   Pálsson, Svanberg Már           1695 Hvaleyrarskóli             3.5    8.50
  3   Magnússon, Patrekur Maron       1825 Salaskóli                  2.5    4.50
  4   Guðmundsdóttir, Geirþrúður Anna 1605 Grunnskóli, Seltjarnarness 1      3.50

Úrslit í yngri flokki:

Place Name                        Loc  Club                      Score Berg.  
  1   Birkir Karl Sigurðsson,     1535 Salaskóli                 6.5   19.25
  2   Friðrik Þjálfi Stefánsson,  1565 Grunnskóli Seltjarnarness 6     15.50
  3   Jón Hákon Richter,          1130 Öldutúnsskóli             5     10.50
  4   Arnþór Ingi Ingvason,            Holtaskóli                4.5    9.25
 5-7  Skúli Guðmundsson,          1210 Grunnskóli Seltjarnarness 2      2.00
      Arnar Snæland,                   Salaskóli                 2      2.00
      Grétar Ágúst Agnarsson,          Holtaskóli                2      2.00

Það voru því Jóhanna, Svanberg og Patrekur sem komust áfram á Landsmótið í eldri flokki eftir að stelpurnar byrjuðu vel og unnu báðar í 1 umferð og Jóhanna reyndar allar skákirnar í fyrri umferð. og leyfði sér að gera 2 jafntefli í seinni umferðinni. Svanberg tapaði gegn báðum stelpunum í fyrri umferðinni en vann Patrek. Patrekur vann svo Geirþrúði þannig að staðan eftir Fyrri umferðina var Jóhanna með 3, en hin með 1. vinning hvert.   

Í yngri flokki komust þeir Birkir Karl og Friðrik Þjálfi áfram. Birkir var reyndar tæpari en úrslitin sýna því hann var manni undir gegn Arnþóri og náði þráskák og svo náði hann að vinna hrók undir gegn Jóni Hákon. Suðurnesjamenn voru að senda nú menn í fyrsta sinn í mörg ár. Friðrik tapaði bara gegn Birki.   Landsmótið í skólaskák verður svo á Akureyri dagana 30. apríl til 3. maí.

Myndir frá Tómasi Rasmus má finna í myndaalbúmi mótsins.

Athugasemdir

[Sindri Guðjónsson, 5.4.2009 kl. 11:08]

Það voru engar medalíur og bikarar þegar ég var í þessu. Bara viðurkenningaskjöl. Haraldur Baldursson lofaði því reyndar að ég myndi geta selt viðurkenningaskjölin fyrir milljónir í framtíðinni, þar sem þau bæru eiginhandaráritun hans.