Patrekur sigraði á Páskaskákmóti Fjölnis

Skákdeild Fjölnis efndi til páskaeggjaskákmóts í síðasta æfingatíma skákdeildarinnar fyrir páska. Alls mættu 40 krakkar á mótið. Tefldar voru fimm umferðir. Sigurvegari mótsins varð Patrekur Þórsson Rimaskóla sem vann alla sína andstæðinga. Patrekur vann Dag Kjartansson í hreinni úrslitaskák lokaumferðar. Í öðru sæti varð Dagur Ragnarsson Rimaskóla og Hrund Hauksdóttir Rimaskóla varð efst stúlkna.

Í flokki f. 2000 og síðar urðu þeir  Friðrik Daði Smárason Hólabrekkuskóla og Jóhann Arnar Finnsson Rimaskóla efstir með 3 vinninga. Skákstjórar voru þeir Ingvar Ásbjörnsson og Finnur Kr. Finnsson. Heiðursgestur mótsins var Héðinn Steingrímsson stórmeistari úr Fjölni og nýbakaður sigurvegari á Reykjavik Open. Hann fylgdist með unga fólkinu að tafli og tók einkatíma í kennslu.