Reykjavík Chess Festival - Krúnudjásn hátíðarinnar er XXIV. Alþjóðlega Reykjavíkurskákmótið

Vettvangur mótsins er Listasafn Reykjavíkur, Hafnarhúsið. Nýtt þátttökumet verður sett þegar um 120 keppendur frá ríflega 30 þjóðlöndum takast á í mótinu. Á meðal keppenda eru heimsmeistarar ungmenna í drengja og kvennaflokki, A.Gupta og H. Donvalli frá Indlandi, skákmeistari Bandaríkjanna 2008, Yuri Shulman, ofurstórmeistarinn A. Areshchenko frá Úkraínu sem er aðeins 22 ára gamall og íslensku stórmeistararnir Hannes Hlífar Stefánsson, Héðinn Steingrímsson, Henrik Danielsen og Þröstur Þórhallsson ásamt öllum efnilegustu alþjóðlegu meisturum landsins. Átta íslenskar skákkonur taka þátt í mótinu og hafa þær aldrei verið fleiri.

Dagskrá hátíðarinnar er á þessa leið:

Dagur	Dagsetn.	Kl.	XXIV.Reykjavik Open	Hliðarviðburður	Vettvangur
Þriðjudagur	24.mar	16.00	1.umferð		Hafnarhús
Miðvikudagur	25.mar	16.00	2.umferð		Hafnarhús
		21.00		Alþjóðlegt hraðskáksmót - undanrásir	Hressingarskálinn
Fimmtudagur	26.mar	09.00		Gullfoss, Geysir og Bobby	Geysir Travel
		16.00	3.umferð		Hafnarhús
		21.00		Alþjóðlegt hraðskáksmót - undanrásir	Balthazar
Föstudagur	27.mar	16.00	4.umferð		Hafnarhús
		22.00		Chess Pub Quiz	Samtökin ´78
Laugardagur	28.mar	12.00		Hraðskáksmót barna	Hafnarhús
		16.00	5.umferð		Hafnarhús
Sunnudagur	29.mar	15.00		Saga skáklistarinnar	Kjarvalsstaðir
		16.00	6.umferð		Hafnarhús
Mánudagur	30.mar	13.00		Skákmót í Vin	Vin, Hverfisgötu
		16.00	7.umferð		Hafnarhús
Þriðjudagur	31.mar	16.00	8.umferð		Hafnarhús
Miðvikudagur	1.apr	13.00	9.umferð		Hafnarhús
		19.00		Alþjóðlegt hraðskáksmót - úrslit	Hafnarhús
		20.30		Verðlaunaafhending og lokahóf	Hafnarhús

 

Nánar um hina ýmsu hliðarviðburði:

Miðvikudagur 25.mars: Alþjóðlegt Hraðskáksmót - fyrri undanrásariðill

Mótið hefst kl.21.00 og fer fram í Hressingarskálanum. Alls geta 50 þátttakendur verið með í mótinu og er þátttökugjald 1.000 kr. Um verður að ræða 9.umferða mót með 5 mín. umhugsunartíma og vinna 4 efstu keppendurnir sér rétt til að taka þátt í úrslitunum 1.apríl. Umsjónaraðili mótsins er Taflfélagið Hellir, sem er eitt af fjórum taflfélögum borgarinnar.

Fimmtudagur 26.mars: Alþjóðlegt Hraðskáksmót - seinni undanrásariðill

Mótið hefst kl.21.00 og fer fram á efri hæð Balthazar - bar og grill. Alls geta 50 þátttakendur verið með í mótinu og er þátttökugjald 1.000 kr. Um verður að ræða 9.umferða mót með 5 mín. umhugsunartíma og vinna 4 efstu keppendurnir sér rétt til að taka þátt í úrslitunum 1.apríl. Umsjónaraðili mótsins er  Taflfélag Reykjavíkur, elsta taflfélag landsins.

Föstudagur 27.mars: Gullfoss, Geysir og Bobby

Sérstaklega skipulögð skoðunarferð fyrir erlendu keppendurna þar sem þeim gefst kostur á að skoða hinn nýja „Golden Circle". Gullfoss, Geysi og leiði Bobby Fischers.

Föstudagur 27.mars: Chess Pub Quiz

Hefst kl.22.00 í salarkynnum Samtakanna´78, Laugavegi. Þrjátíu spurningar tengdar skák og félagsleg tengsl skákmanna virkjuð.

Laugardagur 28.mars: Reykjavik Blitz - barna- og unglingaflokkur

Hefst kl.12.00. Þrjátíu og tveir öflugustu skákmenn höfuðborgasvæðisins mætast í útsláttarkeppni í hraðskák.

Sunnudagur 29.mars: Fyrirlestur um sögu skáklistarinnar

Hefst kl.15.00. Helgi Ólafsson, stórmeistari í skák, heldur fyrirlestur um sögu skáklistarinnar samhliða sýningunni Skáklist á Kjarvalsstöðum.

Mánudagur 30.mars: Skákmót í Vin, athvarfi Rauða Krossins fyrir fólk með geðraskanir:

Hefst kl.13.00. Skákfélag Vinjar hefur í allan vetur reglulega haldið skákmót á mánudögum fyrir gesti athvarfsins.  Skákakademía Reykjavíkur styður þetta frábæra starf heilshugar og leggur því hönd á plóginn með því að aðstoða við að halda fjölmennasta og glæsilegasta skákmót vetrarins með heimsókn erlendra gesta.

Miðvikudagur - 1.apríl: Úrslit Reykjavik Blitz:

Útsláttarhraðskáksmót milli átta boðsgesta og átta skákmanna sem unnu sér rétt til þátttöku í gegnum undanrásirnar.

Boðsgestirnir eru:

• 1.      Areschenko -stigahæsti skákmaður mótsins
• 2.      Yuri Shulman - skákmeistari Bandaríkjanna 2008
• 3.      A. Gupta - núverandi heimsmeistari ungmenna
• 4.      H. Dronvalli - núverandi heimsmeistari stúlkna
• 5.      Jóhann Hjartarson, stórmeistari
• 6.      Helgi Ólafsson , stórmeistari
• 7.      Hannes Hlífar Stefánsson, stórmeistari
• 8.      Héðinn Steingrímsson, stórmeistari.

Fyrirkomulagið er tvær 5 mín. skákir með skiptum litum. Verði staðan jöfn að þeim loknum er tefld ein bráðabanaskák þar sem hvítur hefur 6 mín, svartur 5 mín. en svörtum dugar jafntefli til að komast áfram.