Patrekur sigraði á skákmóti Árnamessu í Stykkishólmi

Skákmót Árnamessu, eitt veglegasta skákmót ársins fyrir grunnskólabörn, var haldið í grunnskólanum Stykkishólmi með þátttöku um 90 barna alls staðar af landinu í rútu í boði Lýðheilsustöðvar.

Eftir að Sturla Böðvarsson alþingismaður hafði minnst Árna Helgasonar og leikið fyrsta leikinn í skák þeirra Hrundar hauksdóttur og Jóhönnu Bjargar Jóhannsdóttur komu skákstjórarnir Páll Sigurðsson og Helgi Árnason krökkunum af stað.

Skákmótið var 6 umferðir með 10 mínútna umhugsunarfresti. Úrslitaskákir voru tefldar í hverri umferð og hart barist. Í skákhléi var boðið upp á veitingar í boði Sæfells og fyrr en varði var mótinu lokið með glæsibrag.

Helstu úrslit má finna hér að neðan en alls voru veittir rúmlega 30 glæsilegir vinningar. Lýðheilsustöð gaf verðlaunabikara og verðlaunapeninga auk þess sem allir þátttakendur fengu viðurkenningarskjal Lýðheilsustöðvar fyrir þátttökuna. Meðal fyrirtækja sem gáfu vinninga voru 66°N, Góa, Nói Síríus, Skáksamband Íslands og KFUM/K sem gáfu tvær sumarbúðardvalir.

Það var Björn Þorfinnsson forseti Skáksambandsins sem veitti öll verðlaunin og sleit þessu ánægjulega skákmóti. Um 70 krakkar komu af Reykjavíkursvæðinu með rútu í boði Lýðheilsustöðvar og fóru öll ánægð heim eftir ánægjulegan dag.

Teflt var við hinar bestu aðstæður í grunnskóla Stykkishólms.

Verðlaun flokkur 1993-1996

Patrekur Maron Magnússon

Svanberg Már Pálsson

Dagur Andri Friðgeirsson

Flokkur 1997-1999

Kristófer Jóel Jóhannesson

Patrekur Þórsson

Dagur Ragnarsson

Flokkur 2000 og yngri.

Guðjón Páll Tómasson

Friðrik Daði Smárason

Heiðrún Anna Hauksdóttir

Stúlkur

Jóhanna B Jóhannsdóttir

Sóley Lind Pálsdóttir

Geirþrúður Anna Guðmundsdóttir

Flokkur Snæfellinga

Elías Björn Björnsson

Jón Grétar Benjamínsson

Mikael Máni Jónsson

Fleiri myndir má sjá í myndaalbúmi mótsins

Öll úrslit má sjá á Chess-result