Grand Prix mót öldunga

Nýstárleg mótaröð á vegum Riddarans í Hafnarfirði hefst á miðvikudaginn, þar sem efstu keppendur ávinna sér stig fyrir samanlagðan besta árangur í 3 mótum af fjórum, 10-8-6-5-4-3-2-1, líkt og í Formúlu 1.     Teflt verður alla miðvikudaga í febrúar kl. 13-17, 11 umferðir hverju sinni með 10 mín. umhugsunartima.

Fallegur farandgripur, SkákHarpan, hefur verið gefinn til heiðurs Fjölni Stefánssyni, tónskáldi og fv. skólastjóra, fyrir áratugatryggð við listagyðjurnar tvær, en hann hefur teflt í klúbbnum um árabil. Skáklistinn og tónlistinn eiga sitt hvað sameiginlegt, svo sem takt, stef, fléttur, afbrigði og áherslur, eins og Smyslov og Taimanov ofl. hafa sannað. Því þótti fara vel á því að tengja þær saman með þessum hætti og heiðra hinn aldna segg í leiðinni.

Keppt verður um gripinn árlega og slegið á létta hörpustrengi, í Strandbergi, safnaðarheimili Hafnarfjarðarkirkju, þar sem á þriðja tug eldri skákmanna af  höfuðborgarsvæðinu hittast til talfs eftir hádegi á miðvikudögum allan ársins hring.