Elsa María, KÖE og Helgi sigruðu á fimmtudagsmóti TR

Fámennt var á Fimmtudagsmóti Taflfélags Reykjavíkur að þessu sinni enda Skeljungsmótið í fullum gangi. Tíu keppendur tefldu 9 umferðir með 7 mínútna umhugsunartíma. Þau Helgi Brynjarsson, Kristján Örn Elíasson og Elsa María Kristínardóttir urðu öll efst og jöfn með 7 vinninga úr 9 skákum.

Elsa María var úrskurðuð sigurvegari þar sem þeir Helgi og Kristján Örn höfðu fengið vinning gegn Skottu í fyrstu tveimur umferðunum. Skýringin er sú að Eiríkur Björnsson mætti til leiks í þriðju umferð og tefldi því ekki við þá félaga en hann fékk 5 vinninga af 7.

 

 

•  1-3  Helgi Brynjarsson,          7 af 9
•       Kristján Örn Elíasson,      7
•       Elsa María Kristínardóttir, 7
•  4-6  Matthías Pétursson,         5
•       Jón Gunnar Jónsson,         5
•       Eiríkur Björnsson,          5 af 7
•   7   Jon Olav Fivelstad,         4
•   8   Guðmundur Kr. Lee,          2
•  9-10 Tjörvi Schiöth,             1.5
•       Hörður Aron Hauksson,       1.5