Björn efstur á fimmtudagsmóti TV

Björn Þorfinnsson varð efstur á fimmtudagshraðskákmóti Taflfélags Vestmannaeyja sem haldið var í kvöld. Björn sigraði alla andstæðinga sína þótt oft hafi mátt litlu muna. Í öðru sæti varð Davíð Kjartansson en hann tapaði einungis niður vinningi gegn Forsetanum.

Nú stendur ryfir heimsókn þeirra félaga í Vestmannaeyjum og dagurinn í dag fór í kennslu á ungmennum í félaginu.  Á morgun munu þeir verða með skákkennslu í Grunnskólanum, fjöltefli og m.a. mun forseti Sí afhenda skólayfirvöldum útnefningu á skólanum í skákverkefni SÍ og menntamálaráðuneytisins. Eftir það verður skákkennsla í Taflfélaginu og um kvöldið er boðið upp á fjöltefli opið öllum við forsetann í félaginu.

Heildarúrslit á fimmtudagsmótinu

• 1. Björn Þorfinnsson 13 vinninga
• 2. Davíð Kjartansson 12 vinninga
• 3. Björn Ívar Karlsson 11 vinninga
• 4-5 Einar Sigurðsson og Nökkvi Sverrisson 7,5 vinninga
• 6-8 Þórarinn I Ólafsson, Kristófer Gautason og Sverrir Unnarsson 7 vinninga
• 9. Daði Steinn Jónsson 5,5 vinninga
• 10. Stefán Gíslason 5 vinninga
• 11. Valur Marvin Pálsson 4 vinninga
• 12. Jörgen Freyr Ólafsson 2,5 vinninga
• 13. Sigurður Arnar Magnússon 2 vinninga