Skákuppboð í Braunchweig í Þýskalandi

Í lok þessa mánaðar nánar til tekið þann 27. og 29. verður stórt uppboð hjáfyrirtækinu A. Klittich-Pfankuch. Þar fara á tólfta hundrað skákmunir undir hamarinn. Þeir sem áhuga hafa á að kynna sér þessa muni má benda á heimasíðu fyrirtækisins sem er [e-mail]

KWA samtökin (heimasíða kwabc.org) voru með fund í Braunchweig í síðustu viku. Þar gafst okkur tækifæri að skoða þá muni sem verða á uppboðinu.

Meðfylgjandi myndir voru teknar við það tækifæri. Feðgarnir Karl og Roger Klittich sáu vel um okkur. Á hinni myndinni eru félagar mínir í KWA að skoða bækur sem fara á uppboðið. Frá hægri; Calle Erlandsson Lundi Svíþjóð, Danirnir Claes Löfgren og Per Skjoldager. Síðan kemur Hollendingurinn Bob van de Velde og loks Englendingurinn Tony Gillam.

Bandaríkjamaðurinn John Donaldsson sem býr í San Francisco hélt fyrirlestur hjá okkur. Einnig tefldi hann samráðaskák gegn okkur fundarmönnum (3 Danir voru í liðinu). Hann hafði hvítt og náði frumkvæði snemma eftir nokkra "Larsen leiki" í byrjuninni sem ég neyddist til að samþykkja ?! Okkur tókst að ná jafntefli með þráskák.

Eftir u.þ.b. 10 leiki var Donaldsson beðinn um að giska á styrkleika sterkustu manna KWA liðsins. Etv 1850 stig var svarið. Þegar honum var sagt að það væri nokkuð langt frá lagi spurði hann hvort það hærra eða lægra!

Næsti aðalfundur verður í San Francisco haustið 2009.

Seinna í dag verður opnunarhátíð Ólympíuskákmótsins. Calle Erlandsson og undirritaður munu senda myndir til birtingar á Skák.is

Gunnar Finnlaugsson