Guðmundur með tvær sigurskákir í röð

Guðmundur Kjartansson (2284) hefur sigrað í tveimur skákum í röð í AM-flokki á First Saturday-mótinu og hefur nú 7 vinninga að loknum 10 umferðum. Jón Viktor Gunnarsson (2430) fékk 1 vinning í þessum tveimur umferð, Dagur Arngrímsson (2393) fékk hálfan vinning en Bragi Þorfinnsson (2383) tapaði báðum skákunum en þremenningarnir tefla allir í SM-flokki.

Í SM-flokki hefur Jón Viktor hefur 5,5 vinning og er í 6. sæti, Dagur hefur 3,5 vinning og er í 10. sæti og Bragi hefur 3 vinninga og er í 11. sæti.  Guðmundur hefur 7 vinninga í AM-flokki og er 2. sæti.  Lokaumferð mótsins fer fram í dag. 

Jón Viktor, Bragi og Dagur tefla allir í SM-flokki. Meðalstig í flokknum eru 2428 skákstig og þarf 8 vinning í 11 skákum til að ná áfanga að stórmeistaratitli.

Guðmundur teflir í AM-flokki. Þar eru meðalstigin 2268 skákstig og þar þarf 8,5 vinning í 11 skákum í áfanga að alþjóðlegum meistaratitli.

First Saturday