TORG - skákmót Fjölnis næsta laugardag

Laugardaginn 8. nóvember heldur Skákdeild Fjölnis í fjórða sinn sitt árlega TORG - skákmót  í verslunarmiðstöðinni Hverafold 1 - 3 í Grafarvogi.

Mótið sem ætlað er öllum grunnskólanemendum hefst kl. 11:00 og því lýkur kl. 13:00. Mótið er haldið í samstarfi við fyrirtækin á Torginu sem gefa alls 20 vinninga til mótsins. Verðlaun skiptast á mili kynja og aldursflokka.

Tefldar verða sex umferðir og er umhugsunartíminn sjö mínútur á hverja skák. Þátttaka á mótinu er ókeypis og allir þátttakendur fá veitingar frá nýrri og glæsilegri NETTO verslun í Hverafold. Skráning verður á mótstað og eru þátttakendur beðnir um að mæta tímanlega.