Ólafur sigraði á sjö mínútna móti

Skákfélag Akureyrar held kveðjumót fyrir Þór Valtýssonar í gær, en hann er að flytja úr bænum á næstunni. Þór hefur verið mjög virkur hjá Skákfélagi Akureyrar þau fjörutíu ár sem hann hefur búið á Akureyri. Hefur verið í stjórn SA í 17 ár og þar af verið formaður félagsins í sjö ár, og gegnt stöðu varaformanns, gjaldkera og ritara. Auk þess á þessum tíma hefur hann annast skákkennslu bæði hjá félaginu og í skólum.  Þór varð skákmeistari Akureyrar 2003, hefur fimm sinnum orðið skákmeistari Skákfélags Akureyrar og tvisvar skákmeistari Norðlendinga.

Á þessu 7 mínútna móti voru gefin þrjú stig fyrir sigur og eitt stig fyrir jafntefli.

Lokastaðan:

• 1. Ólafur Kristjánsson                        21 stig af 27.
• 2. Þór Valtýsson                     20
• 3. Sigurður Arnarson              18
• 4. Sigurður Eiríksson              18
• 5. Gylfi Þórhallsson               16
• 6. Haki Jóhannesson              16
• 7. Tómas Veigar Sigurðarson 16
• 8. Mikael Jóhann Karlsson     14
• 9. Haukur Jónsson                  13
• 10. Sveinbjörn Sigurðsson     13
• 11. Ari Friðfinnsson               12
• 12. Hreinn Hrafnsson             12
• 13. Ulker Gasanova               11
• 14. Hersteinn Heiðarsson       10
• 15. Hjörtur Snær Jónsson       9
• 16. Hugi Hlynsson                 7
• 17. Birkir Freyr Hauksson      6

Tefldar voru níu umferðir eftir Monrad-kerfi. Skákfélag Akureyrar þakkar Þór Valtýssyni fyrir hans störf hjá félaginu og mikla rækt við skákina hér í bænum. En það má búast við að hann heimsæki höfuðstað Norðurlands og taki þátt í mótum félagsins um ókomin ár. Skákfélagið óskar honum góðs gengis og velfarnaðar á nýjum vettvangi.