Fjölnismenn lögðu Selfyssinga

Í gærkvöld fór fram á Selfossi viðureign Skákfélags Selfoss og nágrennis (SSON) og Skákdeildar spútnikliðs Fjölnis úr Grafarvoginum í Reykjavík.  Fyrirfram var búist við jafnri og spennandi viðureign.  Það varð hún ekki. Fjölnir mætti í Flóann með sveit harðsvíraðra reynslubolta og helmassaðra unglinga.  Þrátt fyrir mikinn keppnisanda og að vera á heimavelli áttu SSON-liðar við ofurefli að etja í kvöld. Það fór svo að Fjölnir vann viðureignina örugglega 54,5-17,5.  Vert er að minnast á einstakan árangur Dags Andra Friðgeirssonar sem vann allar skákir sínar.   Liðsstjóri Selfyssinga, Magnús Matthíasson, stóð sig best heimamanna.

 

Fjölnir mætir Íslandsmeisturum Taflfélags Reykjavíkur í 2. umferð.   

 

Einstaklingsárangur:

    Fjölnir
Dagur Andri Friðgeirsson 10 af 10
Tómas Björnsson 9 af 9
Davíð Kjartansson 2 af 2
Guðni Stefán Pétursson  8,5 af 10
Erlingur Þorsteinsson 9 af 10
Ingvar Ásbjörnsson 6 af 10
Hörður Aron Hauksson 6 af 11
Sigríður Björg Helgadóttir 4 af 10

     SSON
Magnús Matthíasson 5 af 12
Úlfhéðinn Sigurmundsson 3,5 af 12
Hlynur Garðarsson 2,5 af 8
Ingimundur Sigurmundsson 2 af 12
Grantas Grigorianas 1,5 af 5
Magnús Garðarsson 1,5 af 11
Magnús Gunnarsson 1,5 af 12

 

Heimasíða mótsins