Jafntefli hjá Hannesi og Henriki í lokaumferðinn

Henrik Danielsen (2526) og Hannes Hlífar Stefánsson (2566) gerðu jafntefli í níundu og síðustu umferð SM-flokks skákhátíðirnar sem er nýlokið í Olomouc í Tékklandi.   Hannes Hlífar varð í 2. sæti með 6 vinninga og Henrik í því 3.-4. sæti með 5½ vinning.  Lenka Ptácníková (2259) tapaði fyrir Tékkanum Petr Cerveny (2353) í AM-flokki, hlaut 4½ í 10 skákum og hafnaði í 7.-9. sæti. Omar Salama (2212), sem tefldi í opnum flokki tapaði fyrir tékkneska alþjóðlega meistaranum Pavel Simacek (2470) og endaði í 17.-21. sæti með 6 vinninga.  

Sænski FIDE-meistarinn Nils Grandelius (2366) sigraði óvænt í SM-flokki og náði stórmeistaraáfanga.

Árangur Hannesar samsvaraði 2558 skákstigum og árangur Henrik samsvaraði 2517 skákstigum.  Þeir lækka báðir um eitt stig.  Árangur Lenku samsvaraði 2275 skákstigum og hækkar hún um þrjú stig.  Árangur Omars var einkar góður og samsvaraði 2323 skákstigum og hækkar hann um 20 stig!

Skákhátíðin í Olomouc fór fram dagana 30. júlí - 7. ágúst.  Hannes og Henrik tefldu í 10 manna SM-flokki þar sem meðalstigin voru 2446 skákstig.  Lenka tefldi í AM-flokki, 11 manna, þar sem meðalstigin voru 2306 skákstig og Omar tefldi í opnum flokki þar sem 144 skákmenn tóku þátt og var 14. stigahæstur keppenda.

• Heimasíða mótsins
• Chess-Results
• Myndaalbúm mótsins (frá Omari)