Hannes og Omar unnu

Hannes Hlífar Stefánsson (2566) vann tékkneska alþjóðlega meistarann David Kanovsky (2409) í áttundu umferð SM-flokks skákhátíðirnar í Olomouc, sem fram fór í dag.  Henrik Danielsen (2526) gerði jafntefli við pólska alþjóðlega meistarann Michal Luch (2412).  Lenka Ptácníková (2259), sem teflir í AM-flokki, tapaði fyrir rússneska FIDE-meistaranum Sergei Reutsky (2344).  Omar Salama (2212), sem teflir í opnum flokki, vann Tékkann Joel Jancarik (2024).

Hannes er í öðru sæti með 5½ vinning, Henrik í því þriðja með 5 vinninga, Lenka í 6.-8. sæti með 4½ vinning eftir níu skákir og Omar í 4.-10. sæti með 6 vinninga.  Lokaumferðin verður tefld í fyrramálið.  Þá mætast Henrik og Hannes. 

Skákhátíðin í Olomouc fer fram dagana 30. júlí - 7. ágúst.  Hannes og Henrik tefla í 10 manna SM-flokki þar sem meðalstigin eru 2446 skákstig.  Lenka teflir í AM-flokki, 11 manna, þar sem meðalstigin eru 2306 skákstig og sjö vinninga þarf í áfanga að alþjóðlegum meistaratitli. Omar teflir í opnum flokki þar sem 144 skákmenn taka þátt og er 14. stigahæstur keppenda.

• Heimasíða mótsins
• Chess-Results
• Myndaalbúm mótsins (frá Omari)