Þrír efstir á stórmótinu í Dortmund

Eftir 4.umferðir á stórmótinu í Dortmund eru þrír skákmenn efstir og jafnir með 2,5 v. af 4. Um er að ræða ungverska ofurstórmeistarann Peter Leko (2741), þýska stórmeistarann Jan Gustafsson  (2603) og unga rússneska stórmeistarann með langa nafnið, Ian Nepomniachtchi (2634).

Baráttan hefur verið afar jöfn á mótinu og hefur 69% skákanna endað með skiptum hlut og allar sigurskákirnar unnist á hvítt.

Óvæntustu úrslitin hingað til er sigur þýska stórmeistarans Arkadij Naiditsch (2624) á heimsmeistaraáskorendanum Vladimir Kramnik (2788) sem hefur sigrað oftast allra á þessu sterka móti.

Staðan í mótinu eftir 4.umferðir:

1-3. Leko, Gustafsson og Nepomniachtchi 2,5v.

4-6. Mamedyarov, Naiditsch og Kramnik 2,0v.

7. Ivanchuck 1,5v.

8. van Wely 1,0v.

 Þrjár umferðir eru eftir af mótinu og fer næsta umferð fram föstudaginn 4.júlí. Þá mættast:

Mamedyarov - Kramnik

Ivanchuk - Naiditsch

van Wely - Gustafsson

Leko - Nepomniachtchi

Heimasíða mótsins