Landskeppni við Lúxemborg fer fram í kvöld - Kaupthing Open hefst á morgun

Flestir sterkustu skákmenn þjóðarinnar halda til Lúxemborgar þar sem þeir tefla á Kaupthing Open sem fram fer þar 10.-17. maí.   Skákhátíðin í Luxemborg hefst í kvöld með landskeppni við heimamenn þar sem teflt verður á níu borðum.  Keppnin verður sýnd beint á vefsíðu mótsins og hefst útsendingin kl. 18.   

Meðal fulltrúa landans eru þrír stórmeistarar og þrír alþjóðlegir meistarar og fjórir af þeim fimm sem voru fulltrúar Íslands á EM landsliða.  Meðal annarra keppenda má nefna nýkrýndan forseta SÍ, Björn Þorfinnsson, og hinn unga og efnilega skákmann Hjörvar Steinn Grétarsson, sem er styrktur af Kaupþingi.   

Í fyrra tefldu fimm íslenskir skákmenn á mótinu.  Þá sigraði Hannes Hlífar Stefánsson og Héðinn Steingrímsson náði stórmeistaraáfanga. 

Kaupþing í Lúxemborg styður á bak við þátttöku íslensku skákmannanna með myndarlegum hætti.

Fulltrúar Íslands á mótinu á og í landskeppnnni eru:

• SM Hannes Hlífar Stefánsson (2583)
• SM Henrik Danielsen (2510)
• AM Stefán Kristjánsson (2485)
• SM Þröstur Þórhallsson (2437)
• AM Jón Viktor Gunnarsson (2431)
• FM Björn Þorfinnsson (2417)
• AM Bragi Þorfinnsson (2408)
• FM Ingvar Þór Jóhannesson (2344)
• Hjörvar Steinn Grétarsson (2291)

Heimasíða mótsins