Menntamálaráðuneyti styrkir skák í skólum

Föstudaginn 2. maí skrifuðu þær Þorgerður Katrín Gunnarsdóttir menntamálaráðherra og Guðfríður Lilja Grétarsdóttir forseti Skáksambands Íslands undir samning um eflingu skáklistar í grunnskólum. Um er að ræða tilraunaverkefni til eins árs sem Menntamálaráðuneytið styrkir um 1, 5 milljónir. Framkvæmd verkefnisins verður í höndum Skáksambandsins sem mun auglýsa eftir 6 - 8 grunnskólum til að taka þátt í verkefninu. Undirritunin fór fram við hátíðlega athöfn í Rimaskóla sem á undanförnum árum hefur verið í fararbroddi grunnskóla að vinna að því markmiði sem tilraunaverkefni Menntamálaráðuneytisins stefnir að.