Skákþing Norðlendinga hefst á föstudag - skráningarfrestur fram á fimmtudag

Skákþing Norðlendinga verður haldið á Bakkaflöt í Skagafirði helgina 11-13. apríl nk. Tefldar verða 4 umferðir með atskákfyrirkomulagi á föstudagskvöldi. Tvær kappskákir á laugardegi og ein á sunnudegi. Að loknu skákmótinu verður haldið Hraðskákmót Norðlendinga.  Skráningarfrestur hefur verið framlengdur fram á fimmtudag. 

Hægt er að skrá sig í netfanginu: [e-mail] eða í síma 892 6640, en á báðum stöðum er hægt að fá nánari upplýsingar um mótið.

Margir sterkir skákmenn eru skráðir til leiks og má þar nefna Björn "forseta" Þorfinnsson, Áskel Örn Kárason, núverandi norðurlandsmeistara og fyrrverandi forseta, Arnar Þorsteinsson, margfaldan norðurlandsmeistara, alþjóðlega meistarann Sævar Bjarnason, sem hefur sigrað á mótinu, þótt titilinn hafi ekki fengið og Sveinbjörn Sigurðsson.  

Skákþing Norðlendinga hefur verið haldið frá árinu 1935, en þá varð Sauðkrækingurinn Sveinn Þorvaldsson skákmeistari Norðlendinga. Núverandi skákmeistari er Áskell Örn Kárason.

Boðið verður uppá gistingu og veitingar á Bakkaflöt og er áætlað að kostnaður verði milli 15-18.000 fyrir einstakling. Þ.e. mótsgjöld, gisting, morgunmatur, hádegismatur og kvöldverður. Bakkaflöt er í um 10 km. fjarlægð frá Varmahlíð. Þar er góð aðstaða fyrir gesti. Heitir pottar og lítil sundlaug. Sjá nánar:  http://www.bakkaflot.com/

Auk þess sem keppt verður um sæmdarheitið Skákmeistari Norðurlands, sem eingöngu er veitt Norðlendingum, verða veitt peningaverðlaun - 30.000 krónur fyrir fyrsta sæti, 20. 000 fyrir annað sæti og 10.000 fyrir þriðja sæti. Þá verða veitt aukaverðlaun. Norðlendingar sem aðrir eiga möguleika á að keppa um peningaverðlaunin. Ef þátttaka verður góð, getur verðlaunafé hækkað.  Mótið verður reiknað til alþjóðlegra stiga.

Dagskrá. 

Mæting á Bakkaflöt kl. 19:30 föstudagskvöldið 11. apríl (kvöldmatur fyrir þá sem það vilja frá kl. 18:30)

• Á föstudagskvöldinu verða tefldar 4 atskákir (25. mín umhugsunartími). Áætluð lok eru kl. 24:00 
• 5. umf. Kl. 10.00 12. apríl (umhugsunartími 90 mín + 30 sec)
• 6. umf kl. 16.00 12 apríl (umhugsunartími 90 mín + 30 sec)
• 7. umf. Kl. 10.00 13 april (umhugsunartími 90 mín + 30 sec)

Gisting og fæði 

Boðið er upp á gistingu og fæði á Bakkaflöt á meðan á móti stendur. Sjá www.bakkaflot.com Um er að ræða:

• Gistingu 2 nætur
• Kvöldmatur á föstudegi.
• Morgunmatur á laugardag og sunnudag
• Hádegismatur laugardag ( um kl. 14.00) Kaffi laugardag um kl. 17:00.  Kvöldmatur laugardag (um kl. 20.00)
• Boðið verður upp á kaffi og hressingu á meðan á móti stendur.
• Kaffiveisla verður að lokinni 7 umferð á sunnudegi í boði Sparisjóðs Skagafjarðar Kl: 15:00
• Hægt verður að kaupa einstakar máltíðir.

Verð fyrir allan pakkann aðeins 15.100,- Að auki verða keppendur að greiða mótsgjald kr. 1500,-  

Skráðir keppendur:

                                                 Félag                Alþjóðl.st.    Ísl. Stig     Atskákstig 

• Björn Þorfinnsson IM               Hellir                2417                2380                2310
• Áskell Örn Kárason                  SA                   2247                2240                2120
• Arnar Þorsteinsson                   SA                   2229                2220                2245  
• Sævar Jóhann Bjarnason IM    Vestm.             2220                2220                2210
• Þór Már Valtýsson                   SA                   2126                2040                2015
• Stefán Bergsson                        SA                   2102                2020                2045
• Einar K. Einarsson                    TR                   2067                2000                2070
• Kjartan Guðmundsson              Biskup              2050                1855                1815
• Hjörleifur Halldórsson               Eyf                   2023                1890                1850
• Sigurður Eiríksson                     SA                   1932                1825                1915
• Sindri Guðjónsson                    TG                   1898                1670                1620   
• Sigurður H. Jónsson                  Reykjanesb.     1881                1830                1775
• Jakob Sævar Sigurðsson           Goðinn             1811                1635                1695
• Þorleifur Ingvarsson                  Húnav.                                     1765
• Jón Arnljótsson                         Sf. Skr                                     1730                1770
• Sveinbjörn O. Sigurðsson         SA                                           1725                1840
• Unnar Ingvarsson                      Sf. Skr.                                    1645                1905
• Hörður Ingimarsson                  Sf. Skr.                                    1620                1615   
• Guðmundur Gunnarsson            Sf. Skr.                                    1505                1665   
• Baldvin Þ. Jóhannesson            Goðinn                                     1445                1490
• Davið Örn Þorsteinsson            Sf. Skr.                                    1485                1575