Bolvíkingar sigurvegarar 4. deildar eftir frestaðar skákir - aðeins KR-ingar létu sig sjá

Í gær fóru fram frestaðar skákir í 4. deild á Íslandsmóti Skákfélaga.  Bolvíkingar fengu samtals 4,5 vinning og eru því efstir í 4. deild, Haukar-c í öðru sæti og Hellir-d í því þriðja.  Athygli vekur að aðeins KR-ingar mættu til leiks og tefldu við þá.  Fjölnismenn sömdu 1-1 á ótefldar skákir og Sauðkræklingar mættu ekki til leiks og gáfu sínar skákir án taflmennsku.  

Eftirfarandi texti er frá aðalskákstjóra mótsins, Haraldi Baldurssyni:

"Úrslit urðu eftirfarandi:

Bolungarvík b - Fjölnir b     1 - 1

Fjölnismenn sögðust ekki geta mætt með annan keppandann vegna anna hjá honum í skóla. Þrátt fyrir fortölur og boð um að tefla með öðrum hætti varð úr að samið var um jafntefli á báðum borðum án taflmennsku.

Bolungarvík b - Skákfélag Sauðárkróks   2* - 0

Sauðkræklingar neituðu að tefla og fannst mjög óréttlátt að þeir skyldu ekki fá gefins vinninga. Þeir neituðu allri samvinnu með að tefla síðar eða í gegnum netið.

Bolungarvík b - K.R. b   1 1/2  - 1/2

K.R. ingar sýndu að heiðursmennska er ennþá til í skákinni og mættu til leiks. Eftir spennandi skákir gerðu Magnús Sigurjónsson og Kristinn Bjarnason jafntefli og Sigurður Ólafsson vann Grím Ársælsson.

Þessi niðurstaða að tefla einungis tvær skákir af 6 frestuðum eru mikil vonbrigði fyrir aðalskákstjóra.

Þykir mér ljóst að hugtakið "fair play" er horfið úr skákinni á Íslandi."