Spassky væntanlegur - hátíðardagskrá tileinkuð Fischer í Þjóðmenningarhúsi á morgun

Samkvæmt frétt Morgunblaðsins er Boris Spassky fyrrverandi heimsmeistari væntanlegur til landsins í dag.  Auk hans eru væntanlegir til landsins stórmeistararnir William Lombardy, sem var aðstoðarmaður Fischer í einvígi aldarinnar, Bandaríkjamaðurinn Pal Benko sem fæddur er í Ungverjalandi en flúði yfir járntjaldið, Tékkinn Vlastimil Hort, sem tefldi við Spassky hér árið 1977 og sló heimsmet í fjöltefli og Ungverjinn Lajos Portisch. 

Fimmmenningarnir munu taka þátt í hátíðardagskrá sem haldin verður til minningar um Fischer í Þjóðmenningarhúsinu og hefst kl. 14 á morgun en Fischer hefði orðið 65 ára á morgun hefði hann lifað. 

 

Geir H. Haarde, forsætisráðherra, mun flytja ávarp.   Spiluð verða verk eftir franska tónskáldið Philidor sem var um tíma sterkasti skákmaður heims á 18. öld, Portisch mun syngja og hinir kappanir munu minnast Fischer með ræðum auk þess sem Spassky mun fara yfir eina skák frá einvíginu fræga.

 

Hátíðardagskráin er öllum opin.