Hjörvar vann í lokaumferðinni

Hjörvar Steinn Grétarsson (2247) sigraði Þjóðverjann Daniel Malek (2306) í níundu og síðustu umferð B-flokks Aeroflots Open sem fram fór í morgun í Moskvu.  Hjörvar hlaut 4 en hann tefldi allt mótið við stigahærri menn.  Hjörvar hækkar væntanlega um 6-7 fyrir frammistöðuna síðan.  Helgi Ólafsson (2531) teflir við króatíska stórmeistarann Ante Brkic (2558) í áttundu og næstsíðustu umferð A1-flokks sem hefst á hádegi.   

Í A1-flokki eru stórmeistarnir Alexey Dreev (2633) og Ian Nepomniachtchi (2600), Rússlandi, og Maxin Rodshtein (2614) efstir með 5,5 vinning.   

Aeroflot Open er almennt talið sterkasta opna mót hvers árs.  Meðal keppenda er mikill fjöldi stórmeistara en teflt er í fjórum flokkum.  Stórmeistarinn Helgi Ólafsson (2531) teflir í A1-flokki en Hjörvar Steinn Grétarsson (2247) í b-flokki.   Hjörvar teflir eldsnemma á morgnana en Helgi síðar á daginn og því munu úrslit í viðureignum þeirra berast á mismunandi tíma.   Auk þess er B-flokkur einni umferð á undan A1-flokki.  

• Heimasíða mótsins
  
• Skákirnar í beinni