Hjörvar vann í sjöttu umferð

Hjörvar Steinn Grétarsson (2247) vann úkraínska alþjóðlega meistaranum Vasilij Stets (2294) í sjöttu umferð B-flokks Aeroflots Open, sem fram fór í nótt/morgun í Moskvu.  Hjörvar hefur 3 vinninga sem verður að teljast býsna gott miðað við það að hann hefur teflt allan tímann upp fyrir sig.   Helgi Ólafsson teflir síðar í dag við rússneska stórmeistarann Sergej Dyachkov (2559) og verður væntanlega hægt að fylgjast með skákinni í beinni.   

Aeroflot Open er almennt talið sterkasta opna mót hvers árs.  Meðal keppenda er mikill fjöldi stórmeistara en teflt er í fjórum flokkum.  Stórmeistarinn Helgi Ólafsson (2531) teflir í A1-flokki en Hjörvar Steinn Grétarsson (2247) í b-flokki.   Hjörvar teflir eldsnemma á morgnana en Helgi síðar á daginn og því munu úrslit í viðureignum þeirra berast á mismunandi tíma.   Auk þess er B-flokkur einni umferð á undan A1-flokki.  

• Heimasíða mótsins
  
• Skákirnar í beinni