Þemamót Hellis hefjast á ICC í kvöld - Hver er besti slavaskákmaður landsins?

Taflfélagið Hellir stendur fyrir vikulegum þemamótum á internetinu þar sem tefld verður slavnesk vörn í febrúar og fram í mars.   Fyrsta mótið verður haldið á 10. febrúar en það síðasta 2. mars.   Teflt verður á ICC og hefjast mótin kl. 19.   Sigurvegari seríunnar, sem fær flesta vinninga samtals í mótunum fjórum, verður útnefndur Íslandsmeistari í slavneskri vörn.

Mótaserían gefur skákáhugamönnum tækifæri á að bæta sig í byrjunum.  Og kynnast betur mið- og endatöflum sem upp geta komið.  

Hversu oft hefur þig langað til að prófa nýja byrjun?  Hér er tækifæri til að mæta öðrum sem eru í sömu sporun og þú.  Ein besta aðferð til að bæta sig í byrjunum er einmitt að tefla hana með báðum litum.

Á fyrsta mótinu verður uppskiptaafbrigði slavnesku varnarinnar teflt.  

Auðvelt er að taka þátt.  Aðeins þarf að skrá sig inn á ICC fyrir 18:55 og skrá inn „Tell automato join".  Eftir það fer sjálfkrafa ferli af stað og þurf keppendur ekkert að gera annað en að ýta á „accept" þegar við á.    Þemastöðurnar birtast sjálfkrafa þegar skákin hefst.  

Nánar um mótin:

1. Fara fram vikulega
2. Tímamörk er 4 mínútur á alla skákina auk 2 sekúnda viðbótartíma á hvern leik
3. Mótin fara fram á sunnudögum og hefjast kl. 19.  Tefldar eru 9 umferðir með svissneska kerfinu og taka mótin um 2 tíma og eru því búin um kl. 21.  
4. Aðeins fyrir íslenska skákmenn og erlenda skakmenn búsetta á Íslandi (Icelandic group).  Teflt er á Rás 226.  Skráning fer fram með því að slá inn „ tell tomato join".  
5. Hægt verður á einfaldlegan hátt að fylgjast með stöðunni í þemamótum mánaðarins á heimasíðu Hellis.  

Dagskráin:

• 10. febrúar: Uppskiptaafbrigðið (D10): 1-d4 d5. 2-c4 c6. 3-cd5 cd5. 4-Rc3 ...
• 17. febrúar: Aðalafbrigðið með a6 (D15): 1-d4 d5. 2-c4 c6. 3-Rf3 Rf6. 4-Rc3 a6.
• 24. febrúar: Tékkneska afbrigðið (D17): 1-d4 d5. 2-c4 c6. 3-Rf3 Rf6. 4-Rc3 dc4. 5-a4 Bf5.
• 2. mars : Biskupsfórn (D17): 1-d4 d5. 2-c4 c6. 3-Rf3 Rf6. 4-Rc3 dc4. 5-a4 Bf5. 6-Re5 e6. 7-f3 Bb4. 8-e4 Be4.

Í verðlaun fyrir Íslandsmeistarann í slavneskri vörn verður vegleg skákbók um slavneska vörn!

Hvernig teflir maður á ICC?

Þeir sem ekki eru skráðir á ICC geta skráð sig á vef ICC en ekki þarf að greiða fyrir fyrstu vikuna. Þeir sem ekki hafa hugbúnað til að tefla geta halað niður þar til gerðu forriti.   Einnig er hægt að tefla í gegnum java-forrit.  Þegar þessu er lokið þarf að mæta á "skákstað" á milli 18:30 og 18:50 og skrá inn "Tell automato join".