Magnus Carlsen í forystu eftir jafntefli við Topalov

Hinn norski Magnus Carlsen (2733) gerði jafntefli við Búlgarann Veselin Topalov (2780) í sjöundu umferð Corus-mótsins, sem fram fór í dag í Wijk aan Zee í Hollandi.   Armeninn Aronian (2739) sigraði Aserann Radjabov (2735), og heimsmeistarinn Anand (2799) vann sína fyrstu skák er hann lagði ungversku skákdrottninguna Judit Polgar (2707) en öðrum skákum lauk með jafntefli.  Magnus er efstur með 5 vinninga en Kramnik (2799) og Aronian koma næstir með 4,5 vinning.  Radjabov er fjórði með 4 vinninga.

Úrslit 7. umferðar:

P. Eljanov - L. van Wely	½-½
M. Adams - S. Mamedyarov	½-½
L. Aronian - T. Radjabov	1-0
V. Ivanchuk - V. Kramnik	½-½
J. Polgar - V. Anand	0-1
V. Topalov - M. Carlsen	½-½
B. Gelfand - P. Leko	½-½

Staðan:

1.	M. Carlsen	5
2.	V. Kramnik L. Aronian	4½
4.	T. Radjabov	4
5.	S. Mamedyarov M. Adams V. Ivanchuk V. Topalov V. Anand L. van Wely	3½
11.	J. Polgar P. Leko	3
13.	P. Eljanov B. Gelfand	2

Í b-flokki eru Frakkinn Etienne Bacrot (2700) og Slóvakinn Sergei Movsesian (2677), sem er væntanlega ánægðari með eigin frammistöðu en frammistöðu landsliðsins í handbolta, efstir með 5 vinninga.  Í c-flokki eru Þjóðverjinn Arik Braun (2536) og Ítalinn Fabiano Caruana (2598) efstir með 5 vinninga.  Heiðursflokkur hófst í dag.  Þar sigraði Timman Ljubojevic og Korchnoi Portisch.   

Áttunda umferð fer fram á morgun og þá mætast m.a.: Carlsen-Gelfand, Kramnik-Polgar, Mamedyarov-Aronian og Anand-Topalov.   

Corus-mótið er án efa sterkasta skákmót ársins en meðal keppenda eru 10 af 13 sterkustu skákmönnum heims og eru meðalstig 2742 skákstig.  B-flokkurinn er einnig mjög sterkur en þar eru meðalstig 2618 skákstig. 

• Heimasíða mótsins
  
• Skákirnar í beinni (hefjast kl. 12:30)
• Skákhornið (íslenskir "spekingar" skýra gang mála)