Magnus Carlsen efstur - Fischer minnst

Hinn 17 ára norski undradrengur Magnus Carlsen (2733), sigraði ungversku skákkonuna Judit Polgar (2707) í sjöttu umferð Corus-mótsins sem fram fór í dag og er nú einn efstur því Aronian (2739) tapaði fyrir Kramnik (2799) eftir harða vörn og Radjabov gerði stutt jafntefli við Adams (2726).  Topalov (2780) vann Leko (2753) en öðrum skákum lauk með jafntefli. Kramnik og Radjabov eru í 2.-3. sæti hálfum vinningi á eftir Magnúsi.   Heimsmeistarinn Anand er aðeins í 11.-12. sæti og hefur enn ekki unnið skák.  Keppendur og áhorfendur vottuðu Fischer virðingu sína eins og sjá má á meðfylgjandi mynd.

Úrslit 6. umferðar:

L. van Wely - B. Gelfand	½-½
P. Leko - V. Topalov	0-1
M. Carlsen - J. Polgar	1-0
V. Anand - V. Ivanchuk	½-½
V. Kramnik - L. Aronian	1-0
T. Radjabov - M. Adams	½-½
S. Mamedyarov - P. Eljanov	½-½

Staðan:

1.	M. Carlsen	4½
2.	V. Kramnik T. Radjabov	4
4.	L. Aronian	3½
5.	S. Mamedyarov M. Adams V. Ivanchuk J. Polgar V. Topalov L. van Wely	3
11.	P. Leko V. Anand	2½
13.	P. Eljanov B. Gelfand	1½

Í b-flokki er Etienne Bacrot (2700) efstur með 4,5 vinning.  Í 2.-4. sæti með 4 vinninga eru Hollendingarnir Daniel Stellwagen (2625) og Jon Smeets (2573) og Indverjinn Pental Harakrishna (2664).  Í c-flokki er Þjóðverjinn Arik Braun (2536) efstur með 5 vinninga.

Sjöunda umferð fer fram á morgun og þá mætast m.a.: Topalov-Carlsen, Aronian-Radjabov, Polgar-Anand og Ivanchuk-Kramnik.  Á morgun hefst jafnframt heiðursflokkur mótsins en þar taka Korchnoi, Timman, Ljubojevic og Portisch þátt.  Allt skákmenn sem eiga það sameiginlegt að hafa teflt við Fischer!

Corus-mótið er án efa sterkasta skákmót ársins en meðal keppenda eru 10 af 13 sterkustu skákmönnum heims og eru meðalstig 2742 skákstig.  B-flokkurinn er einnig mjög sterkur en þar eru meðalstig 2618 skákstig. 

• Heimasíða mótsins
  
• Skákirnar í beinni (hefjast kl. 12:30)
• Skákhornið (íslenskir "spekingar" skýra gang mála)