Aronian og Carlsen efstir á Corus-mótinu

Það varð jafntefli í uppgjöri efstu manna í fjórðu umferð Corus-mótsins sem fram fór í dag í Wijk aan Zee á Hollandi þegar Armeninn Aronian (2739) og Norðmaðurinn Magnus Carlsen (2733) gerðu jafntefli í skemmtilegri skák.  Heimamaðurinn Van Wely (2681) sigraði Topalov (2780), sem er meðal neðstu manna.  Polgar (2707) sigraði Gelfand (2737) og Kramnik (2799) sigraði Eljanov (2692) en öðrum skákum lauk með jafntefli. 

Úrslit 4. umferðar:

L. van Wely - V. Topalov	1-0
B. Gelfand - J. Polgar	0-1
P. Leko - V. Ivanchuk	½-½
M. Carlsen - L. Aronian	½-½
V. Anand - M. Adams	½-½
V. Kramnik - P. Eljanov	1-0
T. Radjabov - S. Mamedyarov	½-½

 

Staðan:

1.	L. Aronian M. Carlsen	3
3.	V. Kramnik T. Radjabov J. Polgar L. van Wely	2½
7.	M. Adams V. Ivanchuk P. Leko	2
10.	S. Mamedyarov V. Anand	1½
12.	P. Eljanov V. Topalov B. Gelfand

Í b-flokki eru Indverjinn Pentala Harikrishna (2664), Hollendingurinn Jan Smeets (2583) og Frakinn Etienne Bacrot (2700) efstir með 3 vinninga.  Í c-flokki er Þjóðverjinn Arik Braun (2536) efstur með fullt hús.

Frídagur er á morgun og fer fimmta umferð fram á fimmtudag.  Þá mætast m.a.: Aronian-Anand, Ivanchuk-Carlsen og Adams-Kramnik. 

Corus-mótið er án efa sterkasta skákmót ársins en meðal keppenda eru 10 af 13 sterkustu skákmönnum heims og eru meðalstig 2742 skákstig.  B-flokkurinn er einnig mjög sterkur en þar eru meðalstig 2618 skákstig. 

• Heimasíða mótsins
  
• Skákirnar í beinni (hefjast kl. 12:30)
• Skákhornið (íslenskir "spekingar" skýra gang mála)