Goðamenn lögðu Austfirðinga

Skáksveit Goðans vann sigur á skáksveit skáksambands Austurlands (SAUST) á móti sem fram fór á Egilsstöðum í gær. Goðinn fékk 14 vinninga en SAUST 11 vinninga. Fimm keppendur voru í hvoru liði og tefldu allir eina atskák, með 25 mínútna umhugsunartíma á mann, við alla úr liði andstæðingana eða samtals fimm skákir.

Vinningahæstur af Goðamönnum varð Pétur Gíslason, en hann gerði sér lítið fyrir og vann allar sínar skákir fimm að tölu. Smári Sigurðsson vann fjóra skákir og Jakob Sævar Sigurðsson fékk 3 vinninga.

Bestum árangri heimamanna náði Viðar Jónsson, en hann fékk 4 vinninga og Hákon Sófusson fékk 2,5 vinninga.

Hvorugt félagið gat stillt upp sínu sterkasta liði. Þetta var í fyrsta sinn sem félögin etja kappi og standa vonir til þess að þetta verði árlegur viðburður hér eftir. Stefnt er að því að Austfirðingar heimsæki Goðamenn í Mývatnssveit að ári.