Óvænt úrslit í fyrstu umferð Corus-mótsins

Það urðu óvænt úrslit í fyrstu umferð Corus-mótsins, sterkasta skákmóti ársins, sem hófst í dag í Wijk aan Zee í Hollandi.  Aserinn Radjabov (2735) sigraði indverska heimsmeistarann Anand (2799) og Armeninn Aronian (2739) lagði Búlgarann Topalov (2780) fyrrverandi heimsmeistara.  Kramnik (2799), annar fyrrverandi heimsmeistari komst ekkert áleiðis gegn stigalæsta keppandanum og heimamanninum van Wely (2681) og var samið jafntefli.  Magnus Carlsen (2733) sigraði Aserann Mamedyarov (2760).  

Úrslit 1. umferðar:

V. Kramnik - L. van Wely	½-½
T. Radjabov - V. Anand	1-0
S. Mamedyarov - M. Carlsen	0-1
P. Eljanov - P. Leko	½-½
M. Adams - B. Gelfand	½-½
L. Aronian - V. Topalov	1-0
V. Ivanchuk - J. Polgar	½-½

Önnur umferð fer fram á morgun. 

Corus-mótið er án efa sterkasta skákmót ársins en meðal keppenda eru 10 af 13 sterkustu skákmönnum heims og eru meðalstig 2742 skákstig.  B-flokkurinn er einnig mjög sterkur en þar eru meðalstig 2618 skákstig. 

• Heimasíða mótsins
  
• Skákirnar í beinni (hefjast kl. 12:30)
• Skákhornið (íslenskir "spekingar" skýra gang mála)