HM unglinga: Dagur og Guðmundur með jafntefli í 10. umferð

FIDE-meistararnir Dagur Arngrímsson (2323) og Guðmundur Kjartansson (2324) gerðu báðir jafntefli í 10. umferð Heimsmeistaramóts unglinga, sem fram fór í gær í Yerevan í Armeníu.  Í níundu sem fram fór í fyrradag gerði Guðmundur jafntefli en Dagur tapaði.  Dagur hefur 4½ vinning og er í 49.-57. sæti en Guðmundur hefur 4 vinninga og er í 58.-66. sæti.  

Efstir með 7½ vinning eru armenski alþjóðlegi meistarinn Avetik Grigoryan (2489) og stórmeistararnir Hao Wang (2643), Kína, og Ivan Popov (2539), Rússlandi. 

Í 11. umferð, sem fram fer í dag teflir Dagur úkraínska alþjóðlega meistarann Yuri Vovk (2561) en Guðmundur við Armenann Haik Tamazyan (2072).  

Alls taka 76 skákmenn þátt í mótinu sem fram fer 3.-16. október. Þar af eru 15 stórmeistarar, 22 alþjóðlegir meistarar og 8 FIDE-meistarar.  Guðmundur og Dagur eru númer 58 og 59 í stigaröðinni fyrir mót.  Alls eru tefldar 13 umferðir. 

• Heimasíða mótsins
• Chess-Results