Grand Prix mót TR og Fjölnis í kvöld

Grand Prix fimmtudagsmótaröðinni verður fram haldið í kvöld kl. 19:30 í Skákhöllinni í Faxafeni 12. Tefldar verða sjö umferðir með 7 mínútna umhugsunartíma á skák. Mótaröðin fór geysivel af stað. Góð mæting var á tvö fyrstu kvöldin og glöddust ungir sem aldnir yfir að nú væru fimmtudagsmótiin komin af stað aftur.

Það eru Taflfélag Reykjavíkur og Skákdeild Fjölnis sem standa saman að mótaröðinni. Skákáhugafólk á öllum aldri er hvatt til að mæta. Góð tónlistarverðlaun eru í boði í hverju móti auk bókaveðlauna. Glæsileg verðlaun falla þeim í skaut sem sigrar samanlagt á mótaröðinni. Helstu styrktaraðilar eru tónlistarútgáfurnar Zonet, Geimsteinn, 12 Tónar, Sena og Smekkleysa.