EM unglinga: Guðmundur vann Hauk í sjöundu umferð

FIDE-meistarinn Guðmundur Kjartansson (2324) sigraði Armenann Hauk G. Vardanian (2118) í 7. umferð Evrópumóts unglinga, 20 ára yngri, sem fram fór í dag í Yerevan.  Dagur Arngrímsson (2323) tapaði hins vegar fyrir spænska alþjóðlega meistarann Marcos Llaneza Vega (2426).  Báðir hafa þeir þrjá vinninga og eru í 49.-59. sæti.   

Efstur með 6 vinninga er egypski stórmeistarinn Ahmed Adly (2494), sem var meðal sigurvegara á síðasta Reykjavíkurskákmóti.   Annar, með 5,5 vinning, er tékkneski stórmeistarinn Viktor Laznicka (2610).   

Frídagur er á morgun. Í áttundu umferð, sem fram fer á fimmtudag, teflir Guðmundur við mexíkanska alþjóðlega meistarann Luis Fernando Ibarra Chami (2416) en Dagur við armenska FIDE-meistarann Samvel Ter-Sahakyan (2389).

Alls taka 76 skákmenn þátt í mótinu.  Þar af eru 15 stórmeistarar, 22 alþjóðlegir meistarar og 8 FIDE-meistarar.  Guðmundur og Dagur eru númer 58 og 59 í stigaröðinni fyrir mót.  Alls eru tefldar 13 umferðir. 

• Heimasíða mótsins
• Chess-Results