HM unglinga: Dagur og Guðmundur gerðu jafntefli

FIDE-meistararnir Dagur Arngrímsson (2323) og Guðmundur Kjartansson (2324) gerðu báðir jafntefli í 6. umferð Heimsmeistaramóts unglinga, 20 ára og yngri, sem fram fór í dag í Yerevan í Armeníu.   Dagur gerði jafntefli við georgíska alþjóðlega meistarann Giorgi Margvelashvili (2451) en Guðmundur við Indverjann Karthik Arun (2391). 

Dagur hefur 3 vinninga og er í 33.-50. sæti en Guðmundur hefur 2 vinninga og er í 62.-71. sæti.  Filippseyski alþjóðlegi meistarinn Wesley So (2531) og egypski stórmeistarinn Ahmed Adly (2494), sem var meðal sigurvegara á síðasta Reykjavíkurskákmóti, eru efstir með 5 vinninga.    

Í sjöundu umferð, sem fram fer á morgun, teflir Dagur við spænska alþjóðlega meistarann Marcos Llaneza Vega (2426) en Guðmundur við Armenann Hauk G. Vardanian (2118). 

Alls taka 76 skákmenn þátt í mótinu.  Þar af eru 15 stórmeistarar, 22 alþjóðlegir meistarar og 8 FIDE-meistarar.  Guðmundur og Dagur eru númer 58 og 59 í stigaröðinni fyrir mót.

 

• Heimasíða mótsins
• Chess-Results