EM taflfélaga: TR og Hellir töpuðu

Bæði Taflfélag Reykjavíkur og Taflfélagið Hellir töpuðu sínum viðureignum í 4. umferð Evrópumóts taflfélaga sem fram fór í dag.   TR tapaði fyrir frönsku frönsku fjölþjóðastórmeistarasveitina Clichy Echecs 92 ½-5½ en Hellismenn töpuðu fyrir spænsku sveitinni Cuna de Dragones - Ajoblanco 1½-4½.  Sigurður Daði Sigfússon var sá eini sem vann sína skák í dag.   

TR hefur 4 stig og 12,5 vinning og er í 28.-29. sæti og Hellir hefur 2 stig og 8 vinninga og er í 46.-48. sæti.   

Í 5. umferð, sem fram fer á morgun teflir TR við tyrkneska félagið Besiktas en Hellismenn mæta litháísku sveitinni Plunge Chess Club Bokstas.   Makedónska félagið Alkaloid er efst með 8 stig og 19,5 vinning.  

 

Úrslit í viðureign TR:

Bo.	19	Reykjavik Chess Club	Rtg	-	12	Clichy Echecs 92	Rtg	½ :5½
7.1	GM	Stefansson Hannes	2574	-	GM	Pelletier Yannick	2609	½ - ½
7.2	GM	Nataf Igor-Alexandre	2546	-	GM	Naiditsch Arkadij	2647	0 - 1
7.3	GM	Thorhallsson Throstur	2448	-	GM	Fressinet Laurent	2654	0 - 1
7.4	IM	Kristjansson Stefan	2458	-	GM	Tregubov Pavel V	2609	0 - 1
7.5	IM	Gunnarsson Arnar	2439	-	GM	David Alberto	2536	0 - 1
7.6	IM	Gunnarsson Jon Viktor	2427	-	GM	Apicella Manuel	2539	0 - 1

Úrslit í viðureign Hellis:

Bo.	39	Hellir Chess Club	Rtg	-	40	Cuna de Dragones - Ajoblanco	Rtg	1½:4½
23.1	IM	Thorfinnsson Bragi	2404	-	GM	Khamrakulov Ibragim S	2604	0 - 1
23.2	FM	Thorfinnsson Bjorn	2323	-	IM	Llanes Hurtado Miguel	2459	0 - 1
23.3	FM	Sigfusson Sigurdur	2320	-		Delgado Palomeque Marco A	2221	1 - 0
23.4	FM	Lagerman Robert	2346	-		Garcia-Ortega Jose M	2190	½ - ½
23.5		Edvardsson Kristjan	2266	-		Sanchez Silva Luis Agapito	2107	0 - 1
23.6		Berg Runar	2125	-		Gomez Gomez Francisco Jose ++	2083	0 - 1

Andstæðingarnir í 5. umferð: 

44. Besiktas (2 / 8)
Bo.		Name	Rtg	FED
1	IM	Atakisi Umut	2399	TUR
2	FM	Olcayoz Alper	2315	TUR
3		Tanrikulu Erhan	2217	TUR
4		Apaydin Fethi	2210	TUR
5		Yaramis Hakan	2119	TUR
6		Firat Burak	2147	TUR
7		Yilmazyerli Mert	2120	TUR
8		Ozdemir Timur	1924	TUR

 

47. Plunge Chess Club Bokstas (2 / 7,5)
Bo.		Name	Rtg	FED
1	FM	Asauskas Henrikas	2320	LTU
2		Godlauskas Kazys	2273	LTU
3		Kalvaitis Sigitas	2245	LTU
4		Jadenkus Henrikas	1994	LTU
5	WFM	Domarkaite Laima	2155	LTU
6		Macenis Audrius	2091	LTU
7		Vasylius Kestutis	2048	LTU

• Evrópukeppni taflélaga
• Chess-Results
• Bloggsíða Snorra Bergssonar (liðsstjóra TR)
• Bloggsíða Hellis

Athugasemdir

[Torfi Stefánsson (IP-tala skráð) 6.10.2007 kl. 20:54]

Fyrst mér hefur verið meinuð skrif á Skákhorninu þá leyfi ég mér að fara hingað inn með meinhorn mín þar til það skjólið lokast einnig.

Þetta er auðvitað arfaslök frammistaða hjá íslensku sveitunum, sérstaklega hjá Helli.

Spænska sveitin er mun stigalægri en Hellismennirnir en samt stórtap eða 4,5 vinningur gegn 1,5. Íslendingarnir voru stigahærri á fjórum síðustu borðunum (af sex) en töpuðu samt.

Kristján Eðvarðs og Rúnar Berg töpuðu t.d. báðir fyrir mun stigalægri mönnum.

Einhvern tímann heyrði ég fleygt að það væru ekkert að marka alþjóðleg stig Íslendinga. Þau væru alltof há. Þessi útkoma gæti sýnt það.

Það hefur vakið athygli mína hve slaka sveit Hellir er að senda (með 2100 stiga mann á 6. borði). Hvað finnst almennum félagsmanni um þá ákvörðun að senda lið eins og þetta sem hefur lítið sem ekkert skáklegt erindi á mótið?

Er kostnaðurinn við þátttökuna réttlætanlegur eða má líta á þessa ferð sem umbun fyrir skákmennina?  Svo virðist nefnilega sem þetta sé miklu frekar frí en keppni (35 stiga hiti og flatmagað á ströndinni samkvæmt bloggi Snorra Bergs. frá mótinu).

 Já, hvað ætli herlegheitin öll sömul kosti eiginlega?

[Gunnar Björnsson, 7.10.2007 kl. 11:07]

Hellir hefur sent lið til þátttöku síðan 1997 að árinu 2000 undanskyldu. Á þeim árum hafa um 25 skákmenn tefld fyrir hönd félagsins á mótinu. Skákmennirnir greiða að mestu leyti kostnaðinn sjálfan enda að fara á gott og skemmtilegt áfangahæft mót en félagið styrkir þá til þátttöku og nýtur til þess stuðnings fyrirtækja.

Stigahæstu skákmönnum félagsins ár hvert boðið að tefla á mótinu. Iðulega er hér um ræða skákmenn sem eru alltaf tilbúnir að tefla fyrir hönd félagsins á Íslandsmóti skákfélaga og öðrum liðakeppnum og leggja sig ávallt 100% fram.  Rúnar Berg kom inn með skömmum fyrirvara í kjölfar þess að Ingvar Þór Jóhannesson átti ekki heimangengt og fær sérstakar þakkir fyrir það!

Félagið er ákaflega stolt af því að senda ár eftir ár lið til keppni þótt ekki séum við að keppa um verðlaun.

Ég hef fulla trú á því að mínir menn spýti í lófana í lokaumferðunum!

Kveðja,
Gunnar Björnsson

[Torfi Stefánsson (IP-tala skráð) 7.10.2007 kl. 12:14]

Gott að sjá að hér er leyfð málefnaleg umræða sem því miður er ekki raunin á umræðuhorni skákmanna (sjá http://hornid.com/cgi-bin/mwf/topic_show.pl?tid=6446) meðan önnur umræða er látin óáreitt og meira að segja stofnað til hennar að frumkvæði umsjónarmannsins Hornsins sem má enga gagnrýni sjá á stöðu unglingaskákarinnar en hefur frumkvæði að níði á hendur skákmanni sem að auki er mikill Íslandsvinur: sjá http://hornid.com/cgi-bin/mwf/topic_show.pl?tid=6429.

Ég er hvorki Hellismaður né TR-ingur þannig að ég hef enga hagsmuna að gæta hvernig er farið með fé þessara félaga.

En ef skáksveitinin mín væri að fara í svona för þá myndi ég vilja fá sundurliðaðar tölum um kostnað og allar þær upplýsingar um fjársöfnun sem til eru. 

Þá undrar mig að sveit Hellis skuli ekki vera betur skipuð en raun ber vitni. Þið eruð jú Íslandsmeistarar. Hafið að vísu misst Hannes yfir í TR en eigið mun fleiri öfluga skákmenn en þetta svo sem Jóhann Hjartar og marga fleiri.

Það má ljóst vera að þið eigið ekki mikla möguleika á að verja titilinn í ár. 

[Gunnar Björnsson, 7.10.2007 kl. 12:25]

Þessar tölur liggja fyrir í ársreikningum félagsins og eru lagðar fram á aðalfundum.  Allir félagsmenn geta því rætt þessi mál á réttum vettvangi.  

Það er ljóst að sterkasta lið Hellis er ekki að fara á EM.   Menn höfðu nú ekki mikla trú á því að Hellismenn myndu hampa titlinum í fyrra en allir þekkja söguna.  Ég myndi því ekki vanmeta Íslandsmeistarana nú!

Kveðja,
Gunnar