HM unglinga: Dagur vann í 3. umferð

FIDE-meistarinn Dagur Arngrímsson (2323) sigraði ástralska skákmanninn Vincent Suttor (2164) í 3. umferð Heimsmeistaramóts ungmenna, 20 ára og yngri, sem fram fór í dag í Yerevan í Armeníu.  Guðmundur Kjartansson (2324) tapaði fyrir Georgíumanninum Zurak Javakhadze (2167).  Dagur hefur 1 vinning en Guðmundur er enn ekki kominn á blað.   

Í fjórðu umferð, sem fram fer á morgun, mætir Dagur enn einum Indverjanum Karthik Arun (2391) en Guðmundur teflir við Issam Zemouli (2067) frá Alsír.   

Alls taka 76 skákmenn þátt í mótinu.  Þar af eru 15 stórmeistarar og 20 alþjóðlegir meistarar.    Guðmundur er nr. 49 í stigaröðinni og Dagur er nr. 56 í röðinni. 

 

• Heimasíða mótsins
• Chess-Results

Athugasemdir

[Torfi Stefánsson (IP-tala skráð) 6.10.2007 kl. 12:02]

Mér skilst að það sé búið að útiloka mig frá að skrifa á Skákhorninu og fjarlægja skrif mín um frammistöðu strákanna á HM og frammistöðu EM-faranna fyrir skömmu. 

Þar leyfði ég mér að benda slaka frammistöðu okkar fólks á þessum tveimur mótum og áhyggjur mínar af framtíð íslenskrar skákar. 

Þetta má sem sagt ekki í hinum viðkvæma skákheimi okkar Íslendinga þar sem öllu óþægilegu er sópað undir borðið til að fela hið raunverulega ástand í skákinni - væntanlega til að eiga auðvreldara með að betla pening af auðmönnum þessa lands með þeirri fullyrðingu að við stefnum að því að verða aftur í fremst röð í skákinni.

Svon til upplýsingar má nefna að Guðmundur Kjartansson er að tefla á næst neðsta borðinu í fjórðu umferð HM.