Laugalækjaskóli norðurlandameistari grunnskólasveita!

Skáksveit Laugalækjaskóla vann öruggan sigur á Norðurlandamóti grunnskólasveita, sem lauk í morgun í Lavia í Finnlandi.   Í lokaumferðinni vannst öruggur 4-0 á danskri sveit.  Sveitin fékk 16,5 vinning eða heilum 5 vinningum meira en næsta sveit!   Glæsilegur árangur hjá piltunum og liðsstjóra þeirra Torfa Leóssyni sem hefur náð mjög góðum árangri með sveitina.    Árangur Matthías var eftirtektarverður en hann vann allar sínar skákir! 

Úrslit Laugalækjaskóla í 4. umferð:

1. Jacob Brorsen 0-1 Dadi Omarsson
2. Jon Capion 0-1 Vilhjalmur Palmason
3. He He 0-1 Matthias Petursson
4. Mads-Holger Jacobsen 0-1 Einar Sigurdsson

Staðan:

1. Laugalækjasóli 16,5 v. af 20
2. Svíþjóð 11,5 v.
   
3. Noregur 10,5 v.
4. Finnland I 8,5 v.
5. Finnland II 8
   
6. Danmörk 5 v.

Skáksveit Lauglækjaskóla:

1. Daði Ómarsson (1951) 3 v. af 5
2. Vilhjálmur Pálmason (1904) 3,5 v. af 5
3. Matthías Pétursson (1919) 5 v. af 5
4. Einar Sigurðsson (1784) 3 v. af 3
5. Aron Ellert Þorsteinsson (1847) 2 v. af 2

Liðsstjórar: Torfi Leósson og Sigríður Ström 

• Heimasíða mótsins
• Skákirnar í beinni

Athugasemdir

[Torfi Leósson (IP-tala skráð) 9.9.2007 kl. 16:28]

Við þetta er litlu að bæta.

En þó:

Matthías fékk borðaverðlaun fyrir bestan árangur á 3. borði (5 af 5) og Einar fékk borðaverðlaun fyrir bestan árangur á 4. borði (3 af 3).  Þar höfðum við reiknað með að Oscar Mickelin úr sænska liðinu myndi hirða verðlaunin með 4 af 5, en Finnarnir fara eftir hlutfallaárangri, en ekki fjölda vinninga.

Þetta er eitt af þeim atriðum sem mótshaldarar hafa svigrúm til að ákveða sjálfir.  Við komumst t.d. að því fullkeyptu árið 2005 í Danmörku að mótshaldari þarf ekki að veita bikar til sigurvegaranna!  Sömuleiðis er það á reiki hvort reikna eigi mótin til FIDE stiga eða ekki.  Þetta mót var ekki reiknað, á meðan mótið í fyrra á Íslandi var reiknað, held ég. 

Vilhjálmur rétt missti af 2. borðsverðlaunum - hann varð jafn Jon Kristian Haarr með 3,5 af 5, en þar sem Haar hafði sigrað í innbyrðisviðureign taldist hann skör hærra.

Reyndar stóðu Norðmenn sig best á fyrstu tveimur borðunum, fengu báðir 3,5 og borðaverðlaun.  Breiddina vantaði hinsvegar, því hinir tveir fengu ekki nema 3,5 samtals (en þar fengum við 10 vinninga). 

Þó að sigurinn hafi verið öruggur má þó þess geta að lánið gekk í lið með okkur á mikilvægum augnablikum, svo sem í skák Arons við Mickelin hinn sænska, en þegar litið er til baka má segja að það hafi verið einn almikilvægasti sigurinn (og var ég búinn að afskrifa Aron mörgum sinnum í þeirri skák).

Þetta er síðasta ár piltanna á fjórum efstu borðunum, en þeir eru allir komnir í framhaldsskóla.  Sömuleiðis ætla ég að snúa mér að einhverju öðru, í bili alla veganna.

Ég vil nota þetta tækifæri til að þakka Laugalækjarskóla fyrir að hafa veitt mér þetta tækifæri og þá sérstaklega Jóni Páli Haraldssyni fyrir veittan stuðning og áhuga .

Foreldrar piltanna eiga einnig miklar þakkir skildar, en án þeirra efa ég að við hefðum getað farið á Evrópumótin í fyrra og í ár. Þau hafa stutt dyggilega við bakið á sveitinni og sýnt þessu mikinn skilning .

Sömuleiðis eiga þakkir skildar þau fjölmörgu fyrirtæki sem hafa stutt við bakið á okkur .

Að lokum vil ég þakka piltunum fyrir allt, súrt og sætt, síðastliðin tæp sex ár.  Ég held ég þurfi ekki að fjölyrða um það - þið vitið hvað mér finnst.  "It's been real" .

Torfi Leósson