Stórmót Kaupþings og Sparisjóðs Bolungarvíkur – Hraðskákmót Íslands 2007

Stórmót Kaupþings og Sparisjóðs Bolungarvíkur – Hraðskákmót Íslands 2007 – verður haldið í Bolungarvík laugardaginn 15. september nk. Mótið er öllum opið og tefldar verða 5 mínútna skákir, 20 umferðir alls. Búist er við fjölmennu og fjörugu móti þar sem bæði sterkustu stórmeistarar og ungir byrjendur koma saman.

Skráðir keppendur 6. september kl. 16:30:

Arnaldur Loftsson

Arnar Gunnarsson

Árni Ármann Árnason

Áslaug Kristinsdóttir

Einar K Einarsson

Guðfríður Lilja Grétarsdóttir

Guðmundur Gíslason

Guðmundur Halldórsson

Guðmundur Magnús Daðason

Halldór Grétar Einarsson

Harpa Ingólfsdóttir

Helgi Áss Grétarsson

Jón Viktor Gunnarsson

Kristján Stefánsson

Kristján Örn Elíasson

Magnús Pálmi Örnólfsson

Ómar Berndsen

Róbert Lagerman

Sigurbjörn Björnsson

Stefán Arnalds

Stefán Kristjánsson

Sverrir Gestsson

Unnsteinn Sigurjónsson

Valdimar Jónsson

Skákstjóri verður enginn annar en hinn rómaði Gunnar Björnsson.      

Allir skákunnendur vita að Bolungarvík er sögufrægur skákstaður sem í gegnum tíðina hefur getið af sér fjölda skákmeistara í fremstu röð. Það er því er vel við hæfi að Hraðskákmót Íslands þetta árið sé haldið í Bolungarvík.

Mikið verður um dýrðir í Bolungarvík á meðan mótinu stendur og höfðinglega tekið á móti þátttakendum. Glæsileg verðlaun eru í boði, bæði fyrir sterkari skákmeistara sem og byrjendur. Sigurvegarinn fær 85 þúsund krónur í sinn hlut en heildarverðlaun nema tæpum 300 þúsund krónum. Fyrir þau sem koma langt að er boðið upp á sérstakt pakkatilboð, fyrir aðeins kr. 9.500 (flug, gisting, rúta, þátttökugjald o.fl innifalið).

Hægt er að skrá sig á netfangið [e-mail] eða í síma 568 9141 á milli kl. 10 og 13 virka daga. Skráningarfrestur rennur út fimmtudaginn 6. september, en óvíst er hvort sæti verði til fyrir þá sem ekki skrá sig fljótlega.  

Fyrir þá sem ekki þiggja pakkatilboðið kostar kr. 1.000 fyrir fullorðna að taka þátt í mótinu en ókeypis er fyrir börn og unglinga (16 ára og yngri).  

Mótið hefst kl. 13 laugardaginn 15. september í Íþróttamiðstöðinni Árbæ í Bolungarvík og lýkur um kl. 19.00. Síðar um kvöldið verður slegið upp dansleik og skemmtan að hætti heimamanna. 

Á sunnudag kl. 10 – 15 fer svo fram opið golfmót í Bolungarvík. Áhugasamir þátttakendur á skákmótinu fá frítt inn á golfmótið. Skákmenn þurfa að tilkynna við skráningu hvort þeir taki þátt í golfmótinu og hvaða forgjöf þeir hafa.

Í aðdraganda mótsins mun Bolungarvík og fleiri staðir á Vestfjörðum taka á móti góðum gestum frá Skákskóla Íslands sem munu heimsækja skólana, kenna og tefla við áhugasama.Nánari upplýsingar á www.skak.is og www.skaksamband.is eða með tölvupósti á netfang [e-mail].