TR sigraði TG í hraðskákkeppni taflfélaga

Taflfélag Garðabæjar tók vel á móti sterku liði Taflfélags Reykjavíkur sem leitt var af engum öðrum en stigahæsta skákmanni landsins Hannesi Hlífari Stefánssyni stórmeistara.  TR-ingar unnu stórt fyrstu umferðirnar og ákváðu þá að hvíla stærstu kanónurnar en voru engu að síður með gríðarsterkt lið.   TR vann 46-26 en staðan í hálfleik var 24-12.   Guðmundur Kjartansson fékk flesta vinninga gestanna en Einar Hjalti Jensson fékk flesta vinninga heimamanna og reyndar flesta vinninga allra.

Árangur TG-inga: 

1. Einar Hjalti Jensson 9 v af 12.
2. Jóhann H Ragnarsson 8 v.
3-4. Jón Þór Bergþórsson 3,5 v.
3-4. Björn Jónsson 3,5 v.
5. Páll Sigurðsson 1,5 v.
6. Svanberg Már Pálsson 0,5 v.

Árangur TR-inga:

1. Guðmundur Kjartansson 8 v. af 12.
2-3. Arnar Gunnarsson alþjóðlegur meistari 7,5 v. af 12.
2-3. Dagur Arngrímsson 7,5 v. af 9.
4. Snorri Bergsson 7 v. af 9.
5-6. Júlíus Friðjónsson 5,5 v af 12.
5-6. Daði Ómarsson 5,5 v. af 12.
7-8. Hannes Hlífar Stefánsson stórmeistari 2 af 2.
7-8. Stefán Kristjánsson alþjóðlegur meistari 2 af 2.
9. Óttar Felix Hauksson 1 v af 2. og vinningurinn kom í formannaslagnum þar sem gestrisnin var í hávegi höfð.

TR-ingar, sem eiga titil að verja, eru því komnir í undanúrslit.  

Rétt er að benda á að öll eldri úrslit í hraðskákkeppni taflfélaga má finna í færsluflokk á vinstri hluta síðunnar.