Kennari verður skákkennari: pistill frá þátttakanda

Varmárskóli tekur þátt í verkefninu Skák eflir skóla – kennari verður skákkennari á vegum Skáksambandi Íslands og Mennta- og menningarmálaráðuneytið skólaárið 2016 – 2017.

Skák er á stundaskrá í 4. bekk í Varmárskóla skólaárið 2016 -2017. Skákin er kennd í 5 vikna lotum, tvisvar í viku, tvær kennslustundir í senn. Alls eru þetta 77 nemendur en 11-12 nemendur í hverri lotu.

Skólinn á sex taflsett og sex skákklukkur.

Ég kenndi einnig skák á síðasta skólaári. Skákin var þá á stundaskrá í 4. bekk og var þá kennd einu sinni í viku, tvær kennslustundir í senn í sex vikna lotum. Þetta er því annað árið sem formleg skákkennsla fer fram í 4. bekk í Varmárskóla.

Ég hef haft áhuga á skák frá barnæsku en á mínu æskuheimili tefldi ég oft við bræður mína okkur til ánægju og skemmtunar. Yngri sonur minn fór að æfa skák sex ára að aldri en hann hefur æft skák í tæp 14 ár.

Ég tel að skákin eigi erindi inn í grunnskólana og hef áhuga á að kenna hana áfram. Börnin eru mjög áhugasöm og hafa gaman af því að kynnast skákinni og að tefla. Ég tel að reglubundin skákiðkun geti hjálpað börnum með að þróa með sér eiginlega sem nýtast í námi eins og t.d. rökhugsun, þolgæði og þrautseigju við að leita lausna. Skákin getur líka verið gott tæki í skóla til að þjálfa hugann, einbeitingu og lesskilning. Auk þess sem skákin kennir börnunum að koma vel fram við hvort annað og að bera virðingu fyrir hvort öðru.

Sóldís B. Traustadóttir