Þrír vinningar í hús í gær á EM

Vel gekk í þriðju umferð EM einstaklinga sem fram fór í Gjakova í Kósovó í gær. Stórmeistararnir Hannes Hlífar Stefánsson (2581) gerðu jafntefli gegn sterkum andstæðingum en alþjóðlegu meistararnir Guðmundur Kjartansson (2457) og Björn Þorfinnsson (2410) unnu minni spámenn frá Albaníu og Kósovó fremur örugglega. Björn tefldi við hina albönsku Eglantina Shabanaj (1945) en sú er eina konan af 230 þátttakendum!

Skák Hannesar gegn pólska stórmeistaranum Dariusz Swiercz (2656) var æsispennandi en í lokastöðunni gat andstæðingur hans teflt vinnings manni undir en lagði ekki í það og þráskákaði. Héðinn gerði áreynslulaust jafntefli með svörtu við Yuriy Kryvoruchko (2691) sem hefur ekki tengist að leggja Íslending að velli á mótinu enn sem komið er. 

Hannes hefur 3½ vinning, Héðinn og Guðmundur hafa 3 vinninga og Björn hefur 2½ vinning.

Í sjöttu umferð, sem fram fer í dag, teflir Hannes við tyrkneska stórmeistarann Alexander Ipatov (2648), Guðmundur við hollenska stórmeistarann Benjamin Bok (2614), Héðinn við austurríska alþjóðlega meistarann Valentin Dragnev (2423) og Björn við sænska stórmeistarann Erik Blomqvist (2526).

Hannes verður í beinni í dag gegn Ipatov og hefst skákin kl. 13:45.

Fimm austur-evrópskir stórmeistarar eru efstir og jafnir á mótinu með 4½ vinning. Það eru Radoslaw Wojtaszek (2722), Póllandi, Ernesto Inarkiev (2686), Rússlandi, Baadur Jobava (2661), Georgíu, Ivan Saric (2650), Króastíu og David Navara (2735), Tékklandi. 

 

• Heimasíða mótsins
• Beinar útsendingar (kl. 13:45)
• Chessbomb (beinar útsendingar)
• Chess-Results