Jóhann Örn sigraði á minningarmóti Þorsteins

Æsir í Ásgarði tefldu í gær í minningu fallins félaga Þorsteins Guðlaugssonar sem féll frá í mars 2014. Tuttugu og átta skákvinir mættu til leiks í gær. Sigurður Þorsteinsson heiðraði minningu föður síns og mætti á staðinn og afhenti sigurvegurum verðlaunin.

Þarna voru mættir margir mjög öflugir skák menn og hart barist á flestum borðum. Uppskeran vill nú oft vera misgóð t.d fékk undirritaður (Finnur Kr. Finnsson) aðeins ½ vinning úr fyrstu fimm skákunum,, en tókst svo að hrista af sér slenið og náði 4 vinningum úr síðustu fimm umferðunum.

Jóhann Örn Sigurjónsson og Þór Valtýsson urðu jafnir og efstir með 8 vinninga af 10. Jóhann var dálítið hærri á stigum og fékk gullið. Guðfinnur R Kjartansson fékk svo bronsið með7 ½ vinning. 

Sjá nánar í töflu og myndir frá ESE.