Carlsen, Kramnik og Giri unnu í fyrstu umferð á Norway Chess

Fyrsta umferð Norway Chess-mótsins hófst í Stafangri í gær. Magnus Carlsen (2851), Vladimir Kramnik (2801 og Anish Giri (2790) hófu það með sigri. Carlsen vann Indverjann Pentala Harikrishna (2763), Kramnik hafði sigur á Nils Grandelius (2649) og Giri lagði Pavel Eljanov (2765) að velli.

Fyrsta skipti í 730 daga sem heimsmeistarinn vinnur í fyrstu umferð. Jafnframt fyrsta sigurskák Anish Giri eftir um 20 jafntefli í röð en hann síðast skák á EM landsliða í Laugardalshöll!

Í norskum fjölmiðlum í gær voru fréttir þess efnis að heimsmeistaraeinvígi Carlsen og Karjakin yrði mögulega ekki haldið í New York eins og að hefur verið stefnt heldur í Moskvu. FIDE hefur ekkert gefið út um mögulegan flutning á einvíginu. 

Carlsen mætir Topalov (2754) í annarri umferð sem hefst kl. 14 í dag.

• Heimasíða mótsins
• Beinar útsendingar