Sumarskákmót Fjölnis fer fram í dag

 

Skákdeild Fjölnis heldur sitt árlega sumarskákmót í Rimaskóla á sumardaginn fyrsta með glæsilegum hætti.  Mótið hefst kl. 14:00 n.k. fimmtudag 21. apríl og því lýkur kl. 16:00. Líkt og í fyrra er þetta vinsæla skákmót hluti af Barnamenningarhátíð í Reykjavík. Dagskrá hverfishátíðar Grafarvogs í Rimaskóla lýkur með þessu áhugaverða skákmóti. Rótarýklúbbur Grafarvogs gefur glæsilega eignarbikara til keppninnar til sigurvegara í eldri og yngri flokk og í stúlknaflokki.

Mótið er ætlað öllum grunnskólabörnum og í verðlaun verða 20 bíómiðar í SAMbíóunum auk nokkurra happadrættisvinninga. Þátttaka er ókeypis en í skákhléi verður hægt að kaupa veitingar, Prins póló og drykk á 200 kr. Tefldar verða sex umferðir með sex mínútna umhugsunartíma. Skráning á mótstað. Þátttakendur eru hvattir til að mæta tímanlega. 

Samhliða sumarskákmótinu heldur Skákdeild Fjölnis sitt fyrsta Peðaskámót deildarinnar, ætlað leikskólabörnum. Í lok peðaskákmótsins fær sigurvegarinn afhentan eignarbikar og fimm efstu þátttakendurnir fá verðlaun.